കോലഞ്ചേരി: കെ.എസ്.ഇ.ബി ഓഫീസേഴ്സ് അസോസിയേഷനും ഇൻസ്റ്റിറ്റ്യൂട്ട് ഫോർ സസ്റ്റെനബിൾ ഡവലപ്‌മെന്റ് ആൻഡ് എനർജി സ്റ്റഡീസും സംയുക്തമായി മുത്തൂറ്റ് ഇൻസ്റ്റിറ്റ്യൂട്ട് ഒഫ് ടെക്‌നോളജി ആൻഡ് സയൻസിന്റെ സഹകരണത്തോടെ നടത്തിയ പവർ കോൺഫ്രൻസ് 2022 മന്ത്രി ഡോ. ആർ. ബിന്ദു ഉദ്ഘാടനം ചെയ്തു. ഡോ.എം.ജി. സുരേഷ് കുമാർ അദ്ധ്യക്ഷനായി. ഇലക്ട്രിസിറ്റി റെഗുലേറ്ററി കമ്മിഷൻ അംഗം ബി. പ്രദീപ് മുഖ്യപ്രഭാഷണം നടത്തി. മുത്തൂറ്റ് എൻജിനിയറിംഗ് കോളേജ് എക്‌സിക്യുട്ടീവ് ഡയറക്ടർ പി. ജോർജ് വർഗീസ്, പ്രിൻസിപ്പൽ ഡോ. പി.സി. നീലകണ്ഠൻ, വൈസ് പ്രിൻസിപ്പൽ ഡോ.ചിക്കു എബ്രാഹം, ഇലക്ട്രിക്കൽ ആൻഡ് ഇലക്ട്രോണിക്‌സ് എൻജിനിയറിംഗ് വിഭാഗം മേധാവി ജാനി ദാസ്, ഇൻസിഡസിന്റെ രജിസ്ട്രാർ ബോസ് ജേക്കബ് , ഓഫീസേഴ്സ് അസോസിയേഷന്റെ സംസ്ഥാനഭാരവാഹി എൻ. നന്ദകുമാർ തുടങ്ങിയവർ സംസാരിച്ചു.
പുനരുപയോഗ ഊർജ സ്രോതസുകളുടെ വർദ്ധിച്ചു വരുന്ന ആവശ്യകതയും സാദ്ധ്യതയും വെല്ലുവിളികളും വിശകലനം ചെയ്യുകയും അതിന്റെ അടിസ്ഥാനത്തിൽ സുസ്ഥിര വികസനത്തിനുതകുന്ന കാഴ്ചപ്പാടുകളും നിർദ്ദേശങ്ങളും രൂപവത്കരിക്കുകയും ചെയ്യുക എന്നതാണ് കോൺഫ്രൻസിലൂടെ ലക്ഷ്യമാക്കുന്നത്. സംസ്ഥാനത്തിനകത്തും പുറത്തുമുള്ള സാങ്കേതിക വിദ്യാർത്ഥികളും അദ്ധ്യാപകരും ഗവേഷകരും പങ്കാളികളായി. സമാപന സമ്മേളനത്തിൽ കെ.എസ്.ഇ.ബിയുടെ ട്രാൻസ്മിഷൻ സിസ്റ്റം ഓപ്പറേഷൻ ഡയറക്ടർ ഡോ.എസ്.ആർ. ആനന്ദ്, ഡോ.പി. രാജൻ തുടങ്ങിയവർ സംസാരിച്ചു.