മൂവാറ്റുപുഴ: ഇലാഹിയ ട്രസ്റ്റിന്റെ വാർഷിക പൊതുയോഗവും ഭാരവാഹി തിരഞ്ഞെടുപ്പും നടന്നു. ഇലാഹിയ പബ്ലിക് സ്കൂളിൽ നടന്ന യോഗത്തിൽ ട്രസ്റ്റ് ചെയർമാൻ കെ.എം. പരീത് അദ്ധ്യക്ഷത വഹിച്ചു. ജനറൽ സെക്രട്ടറി പി.എം.അസീസ് സ്വാഗതം പറഞ്ഞു. ട്രഷറർ എം.എം.മുഹമ്മദ് കുഞ്ഞ്, ടി.എസ്. റഷീദ് എന്നിവർ സംസാരിച്ചു.

ഇലാഹിയ ട്രസ്റ്റിന്റെ സ്ഥാപനങ്ങൾക്ക് നാക്, എൻ.ബി.എ അക്രഡിറ്റേഷൻ ലഭിച്ചത് ട്രസ്റ്റിന്റെ പ്രവർത്തനങ്ങൾക്ക് ലഭിച്ച അംഗീകാരമാണെന്നു കെ.എം. പരീത് പറഞ്ഞു. വരും വർഷങ്ങളിൽ പുതിയ ലാ കോളേജ് സ്ഥാപിക്കുന്നതിനായി ട്രസ്റ്റ് ശ്രമം ആരംഭിച്ചിട്ടുണ്ട്. ഇതിനായി മഹാത്മാ ഗാന്ധി സർവകലാശാലയുടെ നിരാക്ഷേപ പത്രം ലഭിച്ചിട്ടുണ്ട്. കൂടാതെ നഴ്‌സിംഗ് കോളേജ് സ്ഥാപിക്കുന്നതിനും ട്രസ്റ്റ് ലക്ഷ്യമിടുന്നുണ്ട്.

2023-25 കാലയളവിലേയ്ക്കുള്ള ട്രസ്റ്റിന്റെ ഭാരവാഹികളെ തിരഞ്ഞെടുത്തു. കെ.എം.പരീത് (ചെയർമാൻ), അഡ്വ. ടി.എസ്. റഷീദ്, പി.എം.സെയ്ത്കുഞ്ഞ് (വൈസ് ചെയർമാൻമാർ) , പി.എം.അസീസ് (ജനറൽ സെക്രട്ടറി) , എം.കെ സെയ്ത് മുഹമ്മദ് (സെക്രട്ടറി), എം.എം.മുഹമ്മദ് കുഞ്ഞ് (ട്രഷറർ),എം.എം.മക്കാർ, സി.കെ.സിദ്ദിഖ്, കെ.എ.ബഷീർ അലി, പി.എ.കബീർ, പി.എച്ച്. ഉമ്മർ,എം.പി.ഹമീദ്‌,പി.പി.ബഷീർ എന്നിവരെ എക്‌സി.അംഗങ്ങളായും തിരെഞ്ഞെടുത്തു.