തൃക്കാക്കര: തൃക്കാക്കര നഗരസഭയിലെ ഹരിത കർമ്മ സേനാ അംഗങ്ങളുടെ നേതൃത്വത്തിൽ നടത്തിയ വാഴക്കൃഷിയുടെ വിളവെടുപ്പ് ആരോഗ്യ സ്റ്റാൻ‌ഡിംഗ് കമ്മിറ്റി ചെയർമാൻ റാഷിദ് ഉള്ളംപള്ളി നിർവഹിച്ചു. ആദ്യ വാഴക്കൊല നഗരസഭാ ചെയർപേഴ്സൺ അജിത തങ്കപ്പനും വൈസ് ചെയർമാൻ എ.എ. ഇബ്രാഹിംകുട്ടിയും ഏറ്റുവാങ്ങി. വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ നൗഷാദ് പല്ലച്ചി, കൗൺസിലർമാരായ സി.സി. വിജു, അഡ്വ.ലാലി ജോഫിൻ, കാദർ കുഞ്ഞ്, രജനി ജീജൻ, ഹരിതകർമ്മ സേന അംഗങ്ങൾ തുടങ്ങിയവർ പങ്കെടുത്തു. നഗരസഭ മാലിന്യം തരം തിരിക്കുന്ന പ്ലാന്റിന് സമീപത്താണ് ഹരിതകർമ്മ സേനാ അംഗങ്ങൾ വാഴക്കൃഷി ആരംഭിച്ചത്