കൊച്ചി: ഉദയംപേരൂർ പഞ്ചായത്ത് പത്തൊൻപതാം വാർഡ് കുടുംബശ്രീ ഹരിത കർമ്മസേന സംരംഭത്തിന്റെ കേക്ക് വിപണനമേള മാങ്കായിക്കവലയിൽ ആരംഭിച്ചു. ക്രിസ്മസ്, ന്യൂ ഇയറിനോട് അനുബന്ധിച്ച് നടത്തുന്ന കേക്ക് വിപണനമേള കണ്ടനാട് ഉണ്ണിമിശിഹാ പള്ളി വികാരി മാത്യൂ മണവാളൻ ഉദ്ഘാടനം ചെയ്തു. വാർഡ് അംഗം എം.ക. അനിൽകുമാർ അദ്ധ്യക്ഷത വഹിച്ചു. കുടുംബശ്രീ എ.ഡി.എസ് ചെയർപേഴ്‌സൺ ആശ അനീഷ്, ഹരിതകർമ്മസേന അംഗം മിനി ഷാജു, എ.ഡി.എസ് വൈസ് ചെയർപേഴ്‌സൺ ആനി തോമസ്, ആശ വർക്കർ അന്ന ഷൈനി, കുടുംബശ്രീ അംഗങ്ങൾ എന്നിവർ പങ്കെടുത്തു.