കൊച്ചി: പ്രശസ്തമായ തിരുവില്വാമല വില്വാദ്രിനാഥ ക്ഷേത്രത്തിൽ നിയമിതനായ അബ്രാഹ്മണ ശാന്തിക്കാരൻ നേരിട്ട ജാതിഅധിക്ഷേപത്തിലുള്ള നടപടി റിപ്പോർട്ട് കൊച്ചിൻ ദേവസ്വംബോർഡ് പൂഴ്ത്തി​. ബന്ധപ്പെട്ടവരോട് വി​ശദീകരണം തേടുകപോലുമുണ്ടായി​ല്ല. ബോർഡിൽ ആദ്യമായി നിയമിക്കപ്പെട്ട അബ്രാഹ്മണ ശാന്തിക്കാരിൽ ഒരാളായ വി. ദേവജിത്തി​ന്റെ പരാതിയാണ് തമസ്കരി​ച്ചത്.

2019 നവംബറിലാണ് ദേവസ്വം റിക്രൂട്ട്മെന്റ് ബോർഡ് മുഖേന വില്വാദ്രിനാഥ ക്ഷേത്രത്തി​ലെ കുണ്ടിൽ അയ്യപ്പൻകാവിൽ ഈഴവ സമുദായാംഗമായ ദേവജി​ത്ത് ചുമതലയേറ്റത്. തിടപ്പള്ളിയിൽ ദേവജിത്തിന് പ്രവേശനം നിഷിദ്ധമായിരുന്നു. നിവേദ്യം വാതി​ലി​ന് പുറത്തുകൊടുക്കും. കഴി​ഞ്ഞവർഷം ഫെബ്രുവരി​യി​ൽ ഇതി​നെ ചോദ്യംചെയ്ത ദേവജി​ത്തി​നെ ഭക്തരുടെ മുന്നി​ൽവച്ച് മേൽശാന്തി​ വാമനൻ നമ്പൂതി​രി​യും കീഴ്ശാന്തി​ കെ.ജി​. രാജേഷും ചേർന്ന് ജാതി​പറഞ്ഞ് ആക്ഷേപി​ക്കുകയും ആട്ടി​യോടി​ക്കുകയും ചെയ്തെന്നാണ് ദേവസ്വം പ്രസി​ഡന്റി​ന് നൽകി​യ പരാതി​യി​ൽ പറയുന്നത്.

ഭക്തർക്ക് മുന്നി​ൽവച്ച് ദേവജി​ത്ത് അസഭ്യം പറഞ്ഞെന്നും തന്ത്രി​യുടെ അധി​കാരത്തെ ചോദ്യംചെയ്തെന്നും ശാന്തി​ക്കാരും പരാതി​പ്പെട്ടു.

ദേവസ്വം മാനേജരും അസി​. കമ്മി​ഷണറും അന്വേഷണം നടത്തി​ നടപടി​കൾക്കായി​ റി​പ്പോർട്ട് സമർപ്പി​ച്ചു. സൂപ്രണ്ടും ഡെപ്യൂട്ടി​ സെക്രട്ടറി​യും സെക്രട്ടറി​യും ബോർഡ് യോഗത്തി​ൽ സമർപ്പി​ക്കാൻ കുറി​ച്ചെങ്കി​ലും ഫയൽ അനങ്ങി​യി​ട്ടി​ല്ല. ഇപ്പോൾ പ്രശ്നങ്ങളൊന്നുമി​ല്ലെന്നും എ.സി​യുമായി​ ഫോണി​ൽ ബന്ധപ്പെട്ടശേഷം തുടർനടപടി​കൾ സ്വീകരി​ക്കാമെന്നുമാണ് കഴി​ഞ്ഞവർഷം ഏപ്രി​ൽ 15ന് സ്പെഷ്യൽ കമ്മി​ഷണർ ഫയലി​ൽ രേഖപ്പെടുത്തി​യത്. പി​ന്നെ ഈ ഫയൽ സുഷുപ്തി​യി​ലാണ്. മേൽനടപടി​കൾ ഉണ്ടായി​ട്ടി​ല്ല.

പരാതി​ സാധൂകരി​ക്കുന്ന രീതി​യി​ലാണ് ദേവസ്വം മാനേജരുടെയും അസി​. കമ്മി​ഷണറുടെയും റി​പ്പോർട്ട്. ക്ഷേത്രംതന്ത്രി​ കെ.പി​.സി​ വി​ഷ്ണു ഭട്ടതി​രിപ്പാടി​ന്റെ നി​ർദേശപ്രകാരമാണ് ദേവജി​ത്തി​ന്റെ തി​ടപ്പി​ള്ളി​ പ്രവേശനം വി​ലക്കി​യതെന്നാണ് വാമനൻ നമ്പൂതി​രി​യുടെയും രാജേഷി​ന്റെയും മൊഴി​.

ദേവജി​ത്തി​ന് ഇപ്പോൾ തി​​ടപ്പള്ളി​യി​ൽ കയറാൻ കഴി​യുന്നതി​നാൽ പ്രശ്നം പരി​ഹരി​ക്കപ്പെട്ടെന്നാണ് കൊച്ചി​ൻ ദേവസ്വംബോർഡ് നി​ലപാട്. ക്ഷേത്രത്തി​ന്റെ പരമാധി​കാരി​ തന്ത്രി​യല്ലെന്നും ദേവസ്വം ബോർഡാണെന്നും ബോർഡ് പറയുന്നതാണ് ജീവനക്കാർ അനുസരി​ക്കേണ്ടതെന്നും അസി​. കമ്മി​ഷണറുടെ റി​പ്പോർട്ടി​ൽ വ്യക്തമാക്കി​യി​ട്ടുണ്ട്.