പറവൂർ: കേസരി സ്മാരക ട്രസ്റ്റും കേരള ജേർണലിസ്റ്റ് യൂണിയനും സംയുക്തമായി കേസരി ബാലകൃഷ്ണപിള്ള അനുസ്മരണം നടത്തി. കേസരി അന്ത്യവിശ്രമം കൊള്ളുന്ന മാടവന പറമ്പിലെ സ്മൃതി മണ്ഡപത്തിൽ പുഷ്പാർച്ചന നടത്തി. കേസരി ട്രസ്റ്റ് ജനറൽ സെക്രട്ടറി പൂയപ്പിള്ളി തങ്കപ്പൻ അനുസ്മരണ പ്രഭാഷണം നടത്തി. കെ.ജെ.യു ജില്ലാ പ്രസിഡന്റ് ബോബൻ ബി. കിഴക്കേത്തറ അദ്ധ്യക്ഷത വഹിച്ചു. സംസ്ഥാന ജനറൽ സെക്രട്ടറി കെ.സി. സ്മിജൻ, ജില്ലാ സെക്രട്ടറി സുനീഷ് മണ്ണത്തൂർ, ട്രഷറർ ശശി പെരുമ്പടപ്പിൽ, നഗരസഭാ പ്രതിപക്ഷ നേതാവ് ടി.വി. നിധിൻ, എസ്.പി. നായർ, ട്രസ്റ്റ് അംഗം സി.എ. രാജീവ്, അഡ്വ. റാഫേൽ ആന്റണി, അൻവർ കൈതാരം എന്നിവർ സംസാരിച്ചു.