കോലഞ്ചേരി: കനിവ് പെയിൻ ആൻഡ് പാലിയേറ്റീവ് കെയറിന്റെ പുത്തൻകുരിശ് ഫിസിയോതെറാപ്പി സെന്ററിലേക്ക് പ്രവാസി സംഘടനയായ നവോദയ ഓസ്‌ട്രേലിയ ആംബുലൻസ് നൽകി. സി.പി.എം ജില്ലാ കമ്മിറ്റി ഓഫീസിൽ നടന്ന ചടങ്ങിൽ നവോദയ ഓസ്‌ട്രേലിയ സെൻട്രൽ കമ്മിറ്റി അംഗമായ രമേഷ് കുറുപ്പ് കനിവ് ജില്ലാപ്രസിഡന്റ് സി.എൻ. മോഹനന് താക്കോൽ കൈമാറി.
കെ.എൻ. ഉണ്ണിക്കൃഷ്ണൻ എം.എൽ.എ ചടങ്ങിൽ മുഖ്യാതിഥിയായി. നവോദയ ഓസ്‌ട്രേലിയ സെൻട്രൽ എക്‌സിക്യുട്ടീവ് അംഗമായ രാജൻ വീട്ടിൽ, വിവിധ കമ്മിറ്റികളെ പ്രതിനിധീകരിച്ച് റിജേഷ്, ഷിബു പോൾ, ബെന്നി നിലമ്പൂർ, ജോൺസൺ (ബ്രിസ്ബൻ), ബിജുമാത്യു, പോൾ ജേക്കബ് (പെർത്ത്),
കനിവ് ജില്ലാകമ്മിറ്റി അംഗങ്ങളായ ഷാഹുൽ ഹമീദ്, സിനുലാൽ, സി.പി. ഗോപാലകൃഷ്ണൻ, എം.കെ. കൃഷ്ണൻ, കോലഞ്ചേരി ഏരിയാ സെക്രട്ടറി സി.കെ. വർഗീസ് തുടങ്ങിയവർ പങ്കെടുത്തു. നവോദയ ഓസ്‌ട്രേലിയയുടെ വിവിധ സംസ്ഥാന ഘടകങ്ങൾ നടത്തിയ ബിരിയാണി ചലഞ്ചുകളിൽ നിന്ന് ഓണാഘോഷ പരിപാടിയിൽ നിന്നുമാണ് തുക സ്വരൂപിച്ചത്‌.