മൂവാറ്റുപുഴ: മൂവാറ്റുപുഴ പുഴക്കരക്കാവിലെ ചിറപ്പ് ഉത്സവം 21ന് തുടങ്ങും. രാവിലെ 4.30 മുതൽ വിശേഷാൽ പൂജകൾ, വൈകിട്ട് 6.30ന് ദീപാരാധന, ചുറ്റുവിളക്ക്, ഏഴിന് എടനാട് രാജൻ നമ്പ്യാരുടെ ചാക്യാർ കൂത്ത്. 22 ന് വൈകിട്ട് ദീപാരാധന, കലാമണ്ഡലം പ്രഭാകരന്റെ ഓട്ടൻതുള്ളൽ, 23ന് വൈകിട്ട് ദീപാരാധന, കൊച്ചിൻ മൻസൂറിന്റെ സ്മൃതിലയം ഗാനസന്ധ്യ. 24ന് വൈകിട്ട് 7ന് മങ്കൊമ്പ് രാജീവ് കൃഷ്ണയുടെ ആവിഷ്‌കാരത്തിൽ സ്വാമി കൃഷ്ണമയാനന്ദ തീർത്ഥപാദരുടെ സോപാന നൃത്തം. 25ന് രാവിലെ 8ന് എഴുന്നള്ളിപ്പ്, വൈകിട്ട് 4ന് കാഴ്ച്ചശ്രീബലി, കലാനിലയം അനിലിന്റെ പ്രമാണത്തിൽ പഞ്ചാരിമേളം, 7ന് മൂവാറ്റുപുഴ നാട്യാലയയുടെ നൃത്തസന്ധ്യ, 9ന് വിളക്കിനെഴുന്നള്ളിപ്പ്, വലിയ കാണിക്ക, നാദസ്വരം, സ്പെഷ്യൽ തവിൽ. 26ന് രാവിലെ 8ന്എഴുന്നള്ളിപ്പ്, വൈകിട്ട് 4ന് കാഴ്ച്ചശ്രീബലി, പരക്കാട് തങ്കപ്പമാരാരുടെ പ്രമാണത്തിൽ പഞ്ചവാദ്യം, ദീപാരാധന, നാദസ്വരം, തകിൽ. 7ന് തിരുവനന്തപുരം വൈഗാമിഷന്റെ ബാലെ ''അഗ്‌നിമുദ്ര", 9ന് വിളക്കിനെഴുന്നള്ളിപ്പ്, വലിയകാണിക്ക. 27ന് രാവിലെ 8ന് എഴുന്നള്ളിപ്പ്, വൈകിട്ട് 4ന് കാഴ്ച്ചശ്രീബലി, പെരുവനം പ്രകാശൻ മാരാരുടെ പ്രമാണത്തിൽ ആൽത്തറമേളം, 6.30ന് ദീപാരാധന, ഏഴിന് നാദസ്വരകച്ചേരി, സ്പെഷ്യൽ തവിൽ, 8ന് കൊച്ചിൻ കലാഭവന്റെ ഗാനമേള, വലിയ കാണിക്ക, വിളക്കിനെഴുന്നള്ളിപ്പ്. 28ന് രാവിലെ 10ന് കളഭാഭിഷേകം, അന്നദാനത്തോടെ ഉത്സവം സമാപിക്കും.