പൂക്കാട്ടുപടി: അന്ധവിശ്വാസങ്ങളും അനാചാരങ്ങളുമകറ്രുന്നതിന് ശാസ്ത്രവിചാരം പുലരാൻ എന്ന സന്ദേശവുമായി കിഴക്കമ്പലം ഗ്രന്ഥശാല നേതൃസമിതിയുടെ ആഭിമുഖ്യത്തിൽ വിളംബര ജാഥ നടത്തി.

കാവുങ്ങൽപറമ്പ് ഗ്രാമോദയം വായനശാലയിൽ കുന്നത്തുനാട് താലൂക്ക് ലൈബ്രറി കൗൺസിൽ സെക്രട്ടറി പി.ജി. സജീവ് വിളംബരജാഥ ഉദ്ഘാടനം ചെയ്തു. ജാഥ ക്യാപ്ടൻ കെ.എം. മഹേഷ് സംസാരിച്ചു. വിവിധ വായനശാലകളിൽ ജാഥയ്ക്ക് സ്വീകരണം നൽകി.

സമാപന സമ്മേളനത്തിൽ കുന്നത്തുനാട് താലൂക്ക് ലൈബ്രറി കൗൺസിൽ ജോയിന്റ് സെക്രട്ടറി എം.എ. സുലൈമാൻ മുഖ്യാഥിതിയായി. ജാഥ മാനേജർ ബെന്നി ഏലിയാസ്, കിഴക്കമ്പലം ഗ്രാമ പഞ്ചായത്ത് മുൻ പ്രസിഡന്റ് കെ.വി. ഏലിയാസ്, ജേക്കബ് സി. മാത്യു, അബ്ദുൾ സമദ്, കെ.കെ. സുരേന്ദ്രൻ, ജിൻസ് ടി. മുസ്തഫ, ബെന്നി കുര്യാക്കോസ്, ഒ.എ. തോമസ്, ബിജു മക്കിനിക്കര, ബിജു കെ. മാത്യു, എൽദോ മലയിടംതുരുത്ത്, കെ.എ.ഭാസി, ബൈജു അമ്പുനാട്, സി.ജി. ദിനേശ്, കെ. രവിക്കുട്ടൻ, പി.കെ. ജിനീഷ് തുടങ്ങിയവർ സംസാരിച്ചു.