പറവൂർ: വടക്കേക്കര ഹിന്ദുമത ധർമ്മ പരിപാലനസഭ മൂത്തകുന്നം പരുവക്കൽ ഭഗവതിക്ഷേത്രത്തിൽ മഹോത്സവത്തിന് ഇന്ന് രാത്രി എട്ടിന് കൊടിയേറും. ഇന്നലെ ഭദ്രകാളിയിങ്കൽ ഗുരുതി നടന്നു. മഹോത്സവദിനങ്ങളിൽ രാവിലെ ഒമ്പതിനും രാത്രി എട്ടിനും എഴുന്നള്ളിപ്പും വിശേഷാൽപൂജകളും നടക്കും.

23ന് വൈകിട്ട് മൂത്തകുന്നം എസ്.എൻ.ഡി.പി വനിതാസംഘത്തിന്റെ നേതൃത്വത്തിൽ താലം. 26ന് രാവിലെ ഏഴിന് ഭദ്രകാളിയിങ്കൽ പഞ്ചവിംശതി കലശപൂജ, അഭിഷേകം. എട്ടിന് ദേവീമാഹാത്മ്യപാരായണം, വൈകിട്ട് ഏഴിന് ദേവിയിങ്കൽ പഞ്ചവിംശതി കലശപൂജ. മഹോത്സവദിനമായ 27ന് രാവിലെ എട്ടിന് ശ്രീബലി, ഒമ്പതിന് ദേവിയിങ്കൽ പഞ്ചവിംശതി കലശപൂജ, ലളിതാസഹസ്രനാമാർച്ചന, അഭിഷേകം, വൈകിട്ട് നാലിന് കാഴ്ചശ്രീബലി, രാത്രി എട്ടിന് പൊങ്കാല, പത്തിന് കഥകളി - കല്യാണസൗഗന്ധികം, പുലർച്ചെ ആറാട്ടും വിളക്കിനെഴുന്നള്ളിപ്പും. തുടർന്ന് കൊടിയിറക്കൽ.