കൊച്ചി: വെണ്ണല സർവീസ് സഹകരണ ബാങ്കിൽ ക്രിസ്മസ്,​ പുതുവത്സര കേക്ക് മേള ആരംഭിച്ചു. വെണ്ണല പറമ്പത്ത്‌ശേരി വീട്ടിൽ ബിജുവിന് 1000 രൂപയുടെ കേക്ക് നൽകി ബാങ്ക് പ്രസിഡന്റ് അഡ്വ. എ.എൻ. സന്തോഷ് ഉദ്ഘാടനം ചെയ്തു. ഹോം മെയ്ഡ്, ബേക്കറി കേക്കുകൾ 10 മുതൽ 20 ശതമാനം വരെ വിലക്കുറവിലാണ് വില്പന നടത്തുന്നത്. എസ്.മോഹൻദാസ് അദ്ധ്യക്ഷത വഹിച്ചു. ഭരണസമിതി അംഗങ്ങളായ എൻ.എ. അനിൽകുമാർ, സേവ്യർ ലിജു, ആശാ കലേഷ്, വിനിത സക്‌സേന, വി.എസ്. പ്രേമലത, സെക്രട്ടറി എം.എൻ. ലാജി എന്നിവർ സംസാരിച്ചു.