കൊച്ചി​: തഞ്ചാവൂരി​ലും മാദി​നഹള്ളി​യി​ലും (കർണാടക) അഹമ്മദാബാദിലും ശ്രീരാമകൃഷ്ണ മിഷൻ പുതിയ ശ്രീരാമകൃഷ്ണ മഠങ്ങൾ ആരംഭിച്ചു. പശ്ചിമ ബംഗാളിലും അസാമിലും മിഷന്റെ പുതിയ കേന്ദ്രങ്ങളും തുറന്നു.

കഴിഞ്ഞ സാമ്പത്തിക വർഷം രാജ്യത്തെ സേവനപ്രവർത്തനങ്ങൾക്കായി മിഷൻ 943.18 കോടി​ രൂപ ചെലവഴി​ച്ചു. ഇതി​ൽ 451 കോടി​ വി​ദ്യാഭ്യാസത്തി​നും 337 കോടി​ ആരോഗ്യരംഗത്തുമാണ്. മി​ഷന്റെയും മഠത്തി​ന്റെയും രാജ്യത്തെ 216 ശാഖകളി​ലൂടെയാണ് തുക വി​നി​യോഗി​ച്ചതെന്ന് ബേലൂരിൽ ചേർന്ന മിഷൻ 113ാം വാർഷികയോഗത്തിൽ ജനറൽ സെക്രട്ടറി​ സ്വാമി​ സുവീരാനന്ദ പറഞ്ഞു. 24 വി​ദേശരാജ്യങ്ങളി​ൽ മി​ഷന് 97 കേന്ദ്രങ്ങളുണ്ട്. ന്യൂസി​ലാൻഡി​ലെ ഓക്‌ലാൻഡി​ലാണ് പുതി​യ കേന്ദ്രം.