ആലുവ: പോക്സോ കേസിൽ വിചാരണ നേരിടുന്ന പ്രതി പ്രായപൂർത്തിയാകാത്ത മറ്റൊരു പെൺകുട്ടിയെ പീഡിപ്പിച്ച കേസിൽ റിമാൻഡിലായി. ആലുവ എടയപ്പുറത്ത് വാടകയ്ക്ക് താമസിക്കുന്ന ചെമ്മാശേരി വീട്ടിൽ ശ്രീഹരിയെയാണ് (22) പീഡനക്കേസിൽ ആലുവ പൊലീസ് അറസ്റ്റ് ചെയ്തത്. ആലുവ കോടതിയാണ് പ്രതിയെ റിമാൻഡ് ചെയ്തത്.

സമൂഹ മാധ്യമത്തിലൂടെ പെൺകുട്ടിയുമായി അടുപ്പം സ്ഥാപിക്കുകയും തുടർന്ന് വിവാഹ വാഗ്ദാനം നൽകി പീഡിപ്പിക്കുകയുമായിരുന്നു. പ്രതിയെ സംഭവസ്ഥലങ്ങളിലെത്തിച്ച് തെളിവെടുപ്പ് നടത്തി. ഇയാൾ സഞ്ചരിച്ചിരുന്ന ഇരുചക്രവാഹനവും ചാറ്റിംഗിന് ഉപയോഗിച്ച മൊബൈൽ ഫോണും പൊലീസ് പിടിച്ചെടുത്തു. വിവാഹിതനായ ഇയാളെ 2019ൽ മറ്റൊരു പോക്‌സോ കേസിൽ പൊലീസ് അറസ്റ്റ് ചെയ്തിരുന്നു. ഇൻസ്‌പെക്ടർ എൽ.അനിൽ കുമാറിന്റെ നേതൃത്വത്തിലാണ് പ്രതിയെ പിടികൂടിയത്.