പെരുമ്പാവൂർ: കേരള സ്റ്റേറ്റ് പെൻഷനേഴ്‌സ് സംഘ് കുന്നത്തു നാട് താലൂക്ക് സമ്മേളനം ഫെറ്റോ ജില്ലാ സെക്രട്ടറി ടി.ബി. ഹരി ഉദ്ഘാടനം ചെയ്തു. താലൂക്ക് പ്രസിഡന്റ് പി.ബി.ഗോവിന്ദൻകുട്ടിയുടെ അദ്ധ്യക്ഷതയിൽ നടന്ന യോഗത്തിൽ എൻ.ജി.ഒ സംഘ് ജില്ലാ സമിതി അംഗങ്ങളായ ആർ.രാജേഷ്, ഗംഗാധരൻ, താലൂക്ക് സെക്രട്ടറി ചന്ദ്ര ബോസ് .കെ. പ്രമോദ് എന്നിവർ സംസാരിച്ചു.

സംഘത്തിന്റെ മുതിർന്ന അംഗമായ ജി.ശിവരാമൻ നായർ, സംഘ് അംഗം മുരളീധരൻ നായർ, ദേശീയ ഗെയിംസിൽ ജൂഡോ മത്സരത്തിൽ സ്വർണം നേടിയ പ്രതിഭകളുടെ പരിശീലകനായ അഖിൽ. എം. നായർ എന്നിവരെ യോഗത്തിൽ ആദരിച്ചു.