കളമശേരി: മാതാ അമൃതാനന്ദമയി മഠത്തിന്റെ നേതൃത്വത്തിൽ അമൃതശ്രീ അംഗങ്ങൾക്ക് നൽകുന്ന വസ്ത്ര,ധന,ധാന്യ സഹായങ്ങളുടെ ജില്ലയിലെ രണ്ടാംഘട്ട വിതരണവും അമൃതശ്രീ സംഗമവും കെ.ജെ. മാക്‌സി എം.എൽ.എ ഉദ്ഘാടനം ചെയ്തു. അമൃതശ്രീ പദ്ധതിയിലൂടെ ലക്ഷക്കണക്കിന് അമ്മമാർ അവരുടെ കുടുംബങ്ങളെ രക്ഷിക്കുന്നതോടൊപ്പം സേവനപ്രവർത്തനങ്ങളിലൂടെ സമൂഹത്തിന് മാതൃകയാകുന്നുണ്ടെന്നും ചടങ്ങിൽ അനുഗ്രഹ പ്രഭാഷണം നടത്തിയ മാതാ അമൃതാനന്ദമയി മഠം ജനറൽ സെക്രട്ടറി സ്വാമി പൂർണാമൃതാനന്ദപുരി പറഞ്ഞു.
സംസ്ഥാന വൈദ്യുതി റെഗുലേറ്ററി കമ്മിഷൻ ചെയർമാൻ ടി.കെ. ജോസ്, കെ.പി.സി.സി. ജനറൽ സെക്രട്ടറി ദീപ്തി മേരി വർഗീസ്, ബി.ജെ.പി സംസ്ഥാന സമിതി അംഗം സി.ജി രാജഗോപാൽ, അമൃതശ്രീ ഏകോപകൻ ആർ.രംഗനാഥൻ എന്നിവർ പ്രസംഗിച്ചു. അമൃതശ്രീ സംഘങ്ങളിൽ അംഗങ്ങളായ പതിനായിരത്തോളം സ്ത്രീകൾക്ക് സഹായങ്ങൾ വിതരണം ചെയ്തു.