തൊടുപുഴ: ന്യൂമാൻ കോളേജ് സ്‌ട്രൈഡ് ഗവേഷണ പദ്ധതിയുടെയും ചരിത്രവിഭാഗത്തിന്റെയും സംയുക്താഭിമുഖ്യത്തിൽ 'മനുഷ്യൻ, പ്രകൃതി, സുസ്ഥിരത: പാരിസ്ഥിതിക വീക്ഷണം' എന്ന വിഷയത്തിൽ സംഘടിപ്പിച്ച അന്തർദേശീയ കോൺഫറൻസിനു സമാപനമായി. ജൈവവവൈവിധ്യ സംരക്ഷണം, കാലാവസ്ഥ വ്യതിയാനം, പശ്ചിമഘട്ട മേഖലയിലെ സാമ്പത്തിക വിനിമയങ്ങൾ, ആദിവാസി ഗോത്ര വിഭാഗങ്ങളുടെ അതിജീവനം തുടങ്ങി നിരവധി വിഷയങ്ങളിൽ അധ്യാപകരും ഗവേഷകരും വിദ്യാർത്ഥികളും പ്രബന്ധങ്ങൾ അവതരിപ്പിച്ചു. സമാപനത്തോടനുബന്ധിച്ചു പശ്ചിമഘട്ട മേഖലയിലെ കർഷകരും സാമൂഹിക പാരിസ്ഥിതിക പ്രവർത്തകരും പങ്കെടുത്തുകൊണ്ടുള്ള സംവാദം നടന്നു. പ്രോജക്ട് കോ- ഓർഡിനേറ്ററും സാമ്പത്തികശാസ്ത്ര വിഭാഗത്തിന്റെ മേധാവിയുമായ ഡോ. ജെന്നി കെ അലക്‌സ്, പ്രോഗാം കോർഡിനേറ്ററും ചരിത്രവിഭാഗത്തിന്റെ മേധാവിയുമായ ഡോ. കൃഷ്ണകുമാർ എം.വി, കോർ കമ്മിറ്റി അംഗങ്ങളായ സേവ്യർ കുര്യൻ പി, ബാനി ജോയി, ഡോ. ജിതിൻ ജോയി, ബീന ദീപ്തി ലൂയിസ്, നോബിൾ സി. കുര്യൻ, ഡോ. അഞ്ജു ലിസ് കുര്യൻ, ഡോ. മാനുവൽ തോമസ്, രതീഷ് ഇ.ആർ, ജെറിൻ ജോസ് എന്നിവർ നേതൃത്വം നൽകി.