തൊടുപുഴ: കാറുകൾ കൂട്ടിയിടിച്ചുണ്ടായ അപകടത്തിൽ എട്ടുപേർക്ക് പരിക്കേറ്റു. ഇന്നലെ രാത്രി 11.40ന് തൊടുപുഴ വെങ്ങല്ലൂർ ജങ്ഷന് സമീപമായിരുന്നു അപകടം.
തൊടുപുഴ ഭാഗത്ത് നിന്ന് വന്ന കാർ എറണാകുളത്ത് നിന്ന് വരികയായിരുന്ന മറ്റ് രണ്ട് കാറുകളിൽ ഇടിക്കുകയായിരുന്നു. കോലാനി സ്വദേശികളായ ആൽബിൻ, ജെയ്‌സൺ, ജിസ്, അജിത്ത്, ചുങ്കം സ്വദേശി തോംസൺ മാത്യു,​ തൊടുപുഴ കണ്ടോത്ത് ജോസ് ജോസഫ് (70) ഭാര്യ സലീന (64), മകന് ജോസഫ് (41) എന്നിവർക്കാണ് പരിക്കേറ്റത്. പരിക്കേറ്റവരെ വിവിധ ആശുപത്രികളിൽ പ്രവേശിപ്പിച്ചു.