തൊടുപുഴ :ജില്ലാ മണ്ണ് പര്യേവേക്ഷണ മണ്ണ് സംരക്ഷണ വകുപ്പിന്റെ ആഭിമുഖ്യത്തിൽ ലോക മണ്ണ് ദിനം ആചരിച്ചു. തൊടുപുഴ ടൗൺഹാളിൽ നടന്ന യോഗത്തിൽ സോയിൽ കൺസേർവഷൻ ഓഫീസർ ശശികല ദേവി വി.ജി അദ്ധ്യക്ഷത വഹിച്ചു. സോയിൽ കൺസേർവഷൻ പ്രൊജ്ര്രക് അസിസ്റ്റന്റ് ഡയറക്ടർ കെ സത്യൻ സ്വാഗതം പറഞ്ഞു.. മുനിസിപ്പൽ വൈസ് ചെയർപേഴ്‌സൺ ജെസ്സി ജോണി ഉദ്ഘാടനം നിർവഹിച്ചു . ആത്മ ഡെപ്യൂട്ടി ഡയറക്ടർ ആൻസി തോമസ് മുഖ്യപ്രഭാഷണം നടത്തി. കാഡ്‌സ് ചെയർമാൻ ആന്റണി കണ്ടിരിക്കൽ ,മർച്ചന്റ്‌സ് അസോസിയേഷൻ മുൻ പ്രസിഡന്റ് രാജു തരണിയിൽ എന്നിവർ ആശംസാപ്രസംഗം നടത്തി. കർഷകർക്ക് സോയിൽ ഹെൽത്ത് കാർഡും ഫലവൃക്ഷ തൈകളും, വിവിധ മത്സരങ്ങളിൽ സമ്മാനാർഹരായ വിദ്യാത്ഥികൾക്ക് മെമൻറ്റോയും സർട്ടിഫിക്കറ്റുകളും വിതരണം ചെയ്തു. മണക്കാട്കൃഷി ഓഫീസർ ആനന്ദ് വിഷ്ണു പ്രകാശ് കാർഷിക സെമിനാർ നയിച്ചു. മണ്ണ് പര്യവേഷണ ഓഫീസർ നിത്യ ചന്ദ്ര നന്ദി പറഞ്ഞു.