തൊടുപുഴ: എസ്.എൻ.ഡി.പി യോഗം തൊടുപുഴ യൂണിയന്റെ ആഭിമുഖ്യത്തിൽ 17, 18 തീയതികളിൽ 50-ാമത് ബാച്ച് പ്രീമാര്യേജ് കൗൺസലിംഗ് കോഴ്‌സ് ഓൺലൈനായി നടക്കും. 17ന് രാവിലെ 10ന് യൂണിയൻ ചെയർമാൻ എ.ജി. തങ്കപ്പൻ കോഴ്‌സ് ഉദ്ഘാടനം ചെയ്യും. യൂണിയൻ കൺവീനർ വി.ബി.സുകുമാരൻ അദ്ധ്യക്ഷത വഹിക്കും. അഡ്മിനിസ്‌ട്രേറ്റീവ് കമ്മിറ്റിയംഗങ്ങളായ സി.പി. സുദർശനൻ, പി.ടി. ഷിബു, കെ.കെ. മനോജ്, എ.ബി. സന്തോഷ്, സി.വി.സനോജ്, സ്മിത ഉല്ലാസ് തുടങ്ങിയവർ പ്രസംഗിക്കും. തുടർന്ന് രണ്ട് ദിവസങ്ങളിലായി അഡ്വ: വിൻസെന്റ് ജോസഫ് എറണാകുളം 'സ്ത്രീ പുരുഷ മനഃശാസ്ത്രം", ഡോ. ദിവ്യ ശ്രീനാഥ് ജെ തിരുവനന്തപുരം 'ഗർഭധാരണം, പ്രസവം, ശിശു സംരക്ഷണം" എന്നീ വിഷയത്തിൽ ക്ലാസുകളെടുക്കും. 18ന് ഡോ.എൻ.ജെ. ബിനോയി എറണാകുളം 'സ്ത്രീ പുരുഷ ലൈംഗീകത",​ ബിജു മാഷ് നെടുങ്കണ്ടം 'ശ്രീനാരായണ ഗുരുദേവന്റെ കുടുംബ സങ്കല്പം" എന്നീ വിഷയങ്ങളിലും ക്ലാസുകൾ നയിക്കുമെന്ന് യൂണിയൻ കൺവീനർ വി.ബി. സുകുമാരൻ അറിയിച്ചു.