ചെറുതോണി: സംസ്ഥാനസർക്കാരിന്റെ വികസനക്ഷേമ പ്രവർത്തനങ്ങളുടെ ഭാഗമായി ഇൻഫർമേഷൻ പബ്ലിക് റിലേഷൻസ് വകുപ്പ് പൊതുജനങ്ങൾക്കായി നടത്തിയ ചൊല്ല് ഓൺലൈൻ പ്രശ്‌നോത്തരിയുടെ ആദ്യ നറുക്കെടുപ്പ് ജില്ലാ കളക്ടർ ഷീബ ജോർജ് നിർവഹിച്ചു. നറുക്കെടുപ്പിന് ഇൻഫർമേഷൻ പബ്ലിക് റിലേഷൻസ് വകുപ്പ് കോട്ടയം മേഖല ഡെപ്യൂട്ടി ഡയറക്ടർ കെ. പ്രമോദ് കുമാർ നേതൃത്വം നൽകി. ജില്ലാ ഇൻഫർമേഷൻ ഓഫീസിന്റെ ഫേസ്ബുക്ക് പേജിൽ നൽകിയ ചോദ്യങ്ങൾക്ക് വിവിധ ജില്ലകളിൽ നിന്ന് 42 ഉത്തരങ്ങൾ ലഭിച്ചു. ഇതിൽ രണ്ട് ചോദ്യങ്ങൾക്കും ശരിയുത്തരം അയച്ച 24 പേരിൽ നിന്ന് നറുക്കെടുത്താണ് മൂന്ന് വിജയികളെ കണ്ടെത്തിയത്. ഇടുക്കി സ്വദേശി നിതിൻ ലാലച്ചൻ, വെള്ളാപ്പാറ സ്വദേശി പവിത്ര വേണു, സേനാപതി സ്വദേശി ഗിൽഗ തങ്കച്ചൻ എന്നിവരാണ് വിജയികൾ. വിജയികൾക്ക് ഫലകവും പുസ്തകങ്ങളും സമ്മാനമായി ലഭിക്കും. .