പീരുമേട്: സംശയകരമായ സാഹചര്യത്തിൽ യുവാവിന കാണാതായി. ലക്ഷ്മി കോവിൽ വടുതലരാജുവിന്റെ മകൻ ജോഷി യെയാണ്(34) കാണാതായത് .യുവാവിന്റെ ബാഗും ചെരുപ്പും ഇന്നലെ നാലുമണിയോടെ നാട്ടുകാർ പരുന്തുംപാറയിൽ കണ്ടെത്തിയിരുന്നു. ഉടൻ തന്നെ പൊലീസും ഫയർഫോഴ്‌സും പരുന്തു പാറയിൽ എത്തി തെരച്ചിൽ ആരംഭിച്ചു.ഏഴു മണി വരെ തെരച്ചിൽ തുടർന്നു. ശക്തമായ മൂടൽ മഞ്ഞിനെ തുടർന്ന് തെരച്ചിൽ അവസാനിപ്പിക്കുകയായിരുന്നു. ഇന്ന് രാവിലെ വീണ്ടും തെരച്ചിൽ തുടരുമെന്ന് പീരുമേട് സബ്ബ് ഇൻസ്‌പെക്ടർ അജേഷ് അറിയിച്ചു. യുവാവിനെ കാണാതായത് സംബന്ധിച്ച് പിതാവ് പൊലീസിൽ പരാതി നല്കിയിട്ടുണ്ട്..