ഇടുക്കി: ക്ഷീരവികസന വകുപ്പിന്റെ ആഭിമുഖ്യത്തിൽ നടത്തുന്ന ജില്ലാ ക്ഷീരകർഷക സംഗമത്തിൽ 'കുട്ടിയും കിടാവും' ഫോട്ടോ മത്സരത്തിന് ക്ഷീരകർഷകരിൽ നിന്നും ഫോട്ടോകൾ ക്ഷണിച്ചു. കുട്ടിയും കിടാവും എന്ന വിഷയത്തെ ആസ്പദമാക്കിയെടുത്ത ഫോട്ടോകൾ മാത്രമേ മത്സരത്തിന് പരിഗണിക്കു. ചിത്രങ്ങൾ മൊബൈൽ ഫോണിലോ ഡി.എസ്.എൽ.ആർ കാമറയിലോ എടുക്കാം. എഡിറ്റ് ചെയ്ത ഫോട്ടോകൾ പരിഗണിക്കില്ല. ചിത്രങ്ങൾ മുമ്പ് പ്രസിദ്ധീകരിച്ചവയോ മത്സരത്തിന് അയച്ചവയോ ആയിരിക്കരുത്. ഒരാൾക്ക് ഒരു എൻട്രി മാത്രം അയക്കാം. ഫോട്ടോ ലഭിക്കേണ്ട അവസാന തീയതി 30 വൈകുന്നേരം 5ന്. ഫോട്ടോ അയക്കേണ്ട ഇ-മെയിൽ വിലാസം: dairyddtdpa@gmail.com. കൂടുതൽ വിവരങ്ങൾക്ക് ഫോൺ: 8075481741.