അയ്യപ്പൻകോവിൽ: ഗ്രാമപഞ്ചായത്തിൽ തൊഴിലുറപ്പ് പബ്ലിക് ഹിയറിങ്ങ് സംഘടിപ്പിച്ചു. ഹിയറിങ്ങ് കേരള സോഷ്യൽ ഓഡിറ്റ് യൂണിറ്റ് ഡയറക്ടർ ഡോ. രമാകാന്തൻ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ജയ്‌മോൾ ജോൺസൺ അദ്ധ്യക്ഷത വഹിച്ചു.

ഗ്രാമപഞ്ചായത്തിലെ തൊഴിലുറപ്പ് പദ്ധതിയുമായി ബന്ധപ്പെട്ട എല്ലാ കാര്യങ്ങളും പൊതു ജനങ്ങളെ അറിയിക്കുക, പദ്ധതി നടപ്പിലാക്കുന്നതിന് ആവശ്യമായ ക്രിയാത്മകമായ നിർദ്ദേശങ്ങൾ രൂപീകരിക്കുക തുടങ്ങിയ ലക്ഷ്യങ്ങളോടെയാണ് പബ്ലിക് ഹിയറിങ് സംഘടിപ്പിച്ചത്.

യോഗത്തിൽ ഐസിഡിഎസ് സൂപ്പർവൈസർ മേരിക്കുട്ടി മാണി, സോഷ്യൽ ഓഡിറ്റ് ജില്ലാതല ഉദ്യോഗസ്ഥ സിമി ജോസ്, ജോയിന്റ് ബി.ഡി.ഒ സന്തോഷ് ആന്റണി, ഗ്രാമപഞ്ചായത്ത് അംഗങ്ങൾ തുടങ്ങിയവർ പങ്കെടുത്തു.