ഇടുക്കി: മെയിന്റനൻസ് ട്രിബ്യൂണലിലെ കൺസിലിയേഷൻ പാനൽ തയ്യാറാക്കുന്നതിന് അപേക്ഷ ക്ഷണിച്ചു. മുതിർന്ന പൗരന്മാർക്കോ ദുർബ്ബല വിഭാഗങ്ങൾക്കോ വേണ്ടി പ്രവർത്തിച്ചിട്ടുള്ളതോ വിദ്യാഭ്യാസം, ആരോഗ്യം, ദാരിദ്ര്യനിർമ്മർജ്ജനം, സ്ത്രീ ശാക്തീകരണം, സാമൂഹ്യ ക്ഷേമം, മറ്റ് അനുബന്ധ പ്രവർത്തനങ്ങൾ എന്നിവയിൽ ഏതെങ്കിലും മേഖലകളിലെ സംഘടനകളിലോ രണ്ടു വർഷത്തിൽ കുറയാതെ പ്രവർത്തി പരിചയമുള്ളവർക്ക് അപേക്ഷിക്കാം. സ്ഥാപനത്തിൽ പ്രധാനപ്പെട്ട ഒരു സ്ഥാനം വഹിച്ചിട്ടുണ്ടാകണം. നല്ല നിയമ പരിജ്ഞാനമുണ്ടാകണം.
കൺസിലിയേഷൻ ഓഫീസർമാർക്ക് അവർ തീർപ്പാക്കുന്ന കേസുകളുടെ എണ്ണത്തിന് ആനുപാതികമായി കാലാകാലങ്ങളിൽ സർക്കാർ നിശ്ചയിക്കുന്ന നിരക്ക് പ്രകാരമായിരിക്കും ഹോണറേറിയം അനുവദിക്കുക. അപേക്ഷ ജനുവരി 5 വൈകുന്നേരം 5 വരെ സ്വീകരിക്കും.
അപേക്ഷ അയക്കേണ്ട മേൽവിലാസം: ജില്ലാ സാമൂഹ്യനീതി ഓഫീസർ, ജില്ലാ സാമൂഹ്യനീതി ഓഫീസ്, , തൊടുപുഴ പി ഒ, പിൻ 685584.ഫോൺ: 04862228160