നെടുങ്കണ്ടം: കല്ലാറിൽ ബുള്ളറ്റും കാറും കൂട്ടിയിടിച്ച് രണ്ട് യുവാക്കൾക്ക് ഗുരുതരമായി പരിക്കേറ്റു. ചേമ്പളം തോട്ടത്തിൽ ഡിബിൻ (24), പാത്തിക്കൽ സതീഷ് (21) എന്നിവർക്കാണ് പരിക്കേറ്റത്. ശനിയാഴ്ച രാത്രി 11നായിരുന്നു അപകടം. ചേമ്പളം ഭാഗത്ത് നിന്ന് വരികയായിരുന്നു ഇരു വാഹനങ്ങളും. കല്ലാറിലെത്തിയപ്പോൾ മുമ്പിലുണ്ടായിരുന്ന കാർ താന്നിമൂട് ഭാഗത്തേക്ക് തിരിച്ചു. ഇതിനിടെ പിന്നാലെയെത്തിയ ബുള്ളറ്റ് ഓവർ ടേക്ക് ചെയ്യാൻ ശ്രമിക്കുന്നതിനിടെ കാറിൽ ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ചു വീണ ഇരുവരെയും കല്ലാറിലെ സ്വകാര്യ ആശുപത്രിയിലും തുടർന്ന് കട്ടപ്പനയിലെ സ്വകാര്യ ആശുപത്രിയിലും പ്രവേശിപ്പിച്ചു. ഇതിൽ സതീഷിന്റെ നില അതീവ ഗുരുതരമായതിനാൽ കോട്ടയം മെഡിക്കൽ കോളേജിലേക്ക് മാറ്റി. ഇടിയുടെ ആഘാതത്തിൽ തെറിച്ചുവീണ ബുള്ളറ്റ് 20 മീറ്ററോളം തെന്നി റോഡിന്റെ വശത്തെ പോസ്റ്റിൽ ഇടിച്ച് നിൽക്കുകയായിരുന്നു.