മുട്ടം:നിരോധിത പുകയില ഉൽപ്പന്നങ്ങളുമായി ബേക്കറി ഉടമ പോലീസ് പിടിയിൽ. യോദ്ധാവ് പദ്ധതിയുടെ ഭാഗമായി പൊലീസ് നടത്തിയ പരിശോധനയിലാണ് മുട്ടം പ്രൈവറ്റ് ബസ് സ്റ്റാൻഡിന് സമീപമുള്ള ആഡംസ് ബേക്കറിയിൽ നിന്ന് 150 പാക്കറ്റ് നിരോധിത പുകയില ഉൽപ്പന്നങ്ങൾ പിടിച്ചെടുത്തത്.വിപണിയിൽ 13000 രൂപായോളം വില വരുമെന്ന് പൊലീസ് പറഞ്ഞു.സംഭവത്തിൽ ബേക്കറി ഉടമ
തുടങ്ങനാട് തെക്കേവീട്ടിൽ സോണി (29) യെ പോലീസ് അറസ്റ്റ് ചെയ്ത് ജാമ്യത്തിൽ വിട്ടയച്ചു.മുട്ടം
സി.ഐ. പ്രിൻസ് ജോസഫ്, എ.എസ്.ഐമാരായ ഉണ്ണികൃഷ്ണൻ, ഷംസുദ്ദീൻ, സിയാദ്.ഇ.എസ്, സഞ്ചയ്, എസ്.സി.പി.ഒമാരായ ഷാജി.എം.എസ്, ദേവി എന്നിവരുടെ നേതൃത്വത്തിലായിരുന്നു റെയ്ഡ്.