കണ്ണൂർ: ഒമ്പതാം ക്ലാസ് വിദ്യാർത്ഥിയെ കഞ്ചാവ് നൽകി പീഡിപ്പിച്ച സംഭവത്തിൽ കണ്ണൂർ സി​റ്റി സ്വദേശി ഷെരീഫിനെ (45) പൊലീസ് അറസ്റ്റുചെയ്തു. ആയിക്കരയിലെ ആളൊഴിഞ്ഞ കെട്ടിടത്തിലെത്തിച്ചായിരുന്നു പീഡനം. കണ്ണൂർ സി​റ്റി പൊലീസാണ് പ്രതിയുടെ അറസ്റ്റ് രേഖപ്പെടുത്തിയത്. പലവട്ടം കുട്ടി പീഡനത്തിന് ഇരയായിട്ടുണ്ടെന്നാണ് വിവരം. കൂട്ടുപ്രതിക്കായി തിരച്ചിൽ നടത്തുകയാണെന്ന് പൊലീസ് പറഞ്ഞു.

സ്‌കൂളിൽ നിന്നും കുട്ടി കണ്ണൂർ സി​റ്റി വഴിയാണ് വീട്ടിലേക്ക് പൊയ്‌ക്കൊണ്ടിരുന്നത്. ഈ സമയത്ത് കുട്ടിയെ പ്രലോഭിപ്പിച്ച് കഞ്ചാവ് ബീഡി നൽകുകയും ആയിക്കരയിലെ ആളൊഴിഞ്ഞ കെട്ടിടത്തിലേക്ക് കൂട്ടിക്കൊണ്ടുപോയി പീഡിപ്പിക്കുകയുമായിരുന്നു. കുട്ടിയെ പ്രതികൾ കൂട്ടിക്കൊണ്ടു പോകുന്നതു കണ്ട നാട്ടുകാരാണ് സംഘടിച്ചെത്തി പൊലീസിനെ വിവരമറിയിച്ചത്.