കാസർകോട്:ലഹരിക്കെതിരായ പോരാട്ടത്തിൽ യുവാക്കൾ രംഗത്തിറങ്ങണമെന്നും സാമൂഹ്യരാഷ്ട്രീയ സംഘടനകളും ജന പ്രതിനിധികളും ജാഗരൂഗരാകണമെന്നും കാസർകോട് സംയുക്ത മുസ്ലിം ജമാഅത്ത് പ്രസിഡന്റ് എൻ.എ നെല്ലിക്കുന്ന് എം.എൽ.എ അഭ്യർത്ഥിച്ചു. കാസർകോട് സംയുക്ത മുസ്ലിം ജമാഅത്തിന്റെ ആഹ്വാനപ്രകാരം ഉളിയത്തടുക്ക ജമാഅത്ത് കമ്മിറ്റിയുടെ ആഭിമുഖ്യത്തിൽ നടത്തിയ ബോധവത്ക്കരണ ക്യാമ്പയിൻ ഉദ്ഘാടനം ചെയ്യുകയായിരുന്നു.എൻ.എ.അബൂബക്കർ ഹാജി അദ്ധ്യക്ഷത വഹിച്ചു. എക്സൈസ് പ്രിവൻറ്റീവ് ഓഫിസർ എൻ.ജി.രഘുനാഥൻ, നൗഫൽഹുദവി കൊടുവള്ളി വിഷയം അവതരിപ്പിച്ചു. സംയുക്ത ജമാഅത്ത് സെക്രട്ട റിമാരായ കെ.ബി.മുഹമ്മദ്‌ കുഞ്ഞി, മൊയ്‌ദീൻ കൊല്ലമ്പാടി, ജമാ അത്ത് ഖത്തീബ് അഷ്ഫാഖ് ഫൈസി, അഷ്‌റഫ്‌ മിസ്ബാഹി, യു. കെ അബ്ദുൽ റഹിമാൻ, മുഹമ്മദ്‌ മധുർ, യു.കെ സൂപി, ഹംസ ജീലാനി,സത്താർ കെ.ബി പ്രസംഗിച്ചു.ഉളിയത്തടുക്ക ജമാഅത്ത് സെക്രട്ടറി യു.സഹദ് ഹാജി സ്വാഗതം പറഞ്ഞു.