പയ്യന്നൂർ: റെയിൽവേ സ്റ്റേഷനു സമീപം ട്രെയിൻ തട്ടി രണ്ടു പേർക്ക് ഗുരുതരമായി പരിക്കേറ്റു.
ഗംഗാധരൻ (70) ഒളവറ, സുരേഷ് (38) പുറക്കുന്ന് എന്നിവരെയാണ് പരിയാരം കണ്ണൂർ ഗവ. മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത്. ഞായറാഴ്ച രാത്രി എട്ടരയോടെ ട്രെയിൻ കടന്നു പോയ ഉടനെയാണ് രണ്ടു പേരെയും പരിക്കേറ്റ നിലയിൽ കണ്ടത്. പയ്യന്നൂർ അഗ്നിശമന സേനയെത്തിയാണ് ഇരുവരെയും ആശുപത്രിയിലെത്തിച്ചത്.