കോഴിക്കോട്: പശ്ചിമഘട്ട പരിസ്ഥിതി സംബന്ധിച്ചുള്ള ഗാഡ്ഗിൽ കമ്മിറ്റി ശുപാർശകൾ ശരിയെന്ന് പുതിയ സാഹചര്യത്തിൽ എല്ലാവർക്കും ബോദ്ധ്യപ്പെടുന്നതായി റിട്ട. ജസ്റ്റിസ് കമാൽ പാഷ .
അഡ്വ.തങ്കച്ചൻ രചിച്ച 'ലോക സമാധാനം വികസനം പരിസ്ഥിതി ' എന്ന പുസ്തകം പ്രകാശനം ചെയ്ത് സംസാരിക്കുകയായിരുന്നു അദ്ദേഹം. പശ്ചിമഘട്ട പരിസ്ഥിതി വിഷയത്തിലും കൃത്യമായി പഠിക്കാതെയാണ് രാഷ്ടീയ പാർട്ടികളും ഭരണകൂടവും നിലപാട് എടുത്തതെന്ന് അദ്ദേഹം പറഞ്ഞു.
പരിസ്ഥിതി വിഷയത്തോടുളള മനുഷ്യന്റെ മനോഭാവമാണ് ആവിക്കലിലും കോതിയിലും പ്രകടമായത്. വനം സംരക്ഷണത്തിന്റെ കാര്യത്തിലും സർക്കാരിന് വ്യക്തതയില്ല . ഏറ്റവും വലിയ കൈയ്യേറ്റം സർക്കാരാണ് ചെയ്യുന്നത് . സമാധാനം പുലരണമെങ്കിൽ സുസ്ഥിര വികസനവും പരിസ്ഥിതി സംരക്ഷണവും കാര്യക്ഷമമാക്കണമെന്നും അദ്ദേഹം പറഞ്ഞു.
കവി പി.കെ ഗോപി പുസ്തകം ഏറ്റുവാങ്ങി. ഗാന്ധി ഗൃഹം ഓഡിറ്റോറിയത്തിൽ നടന്ന ചടങ്ങിൽ പരിസ്ഥിതി പ്രവർത്തകൻ അഡ്വ. സി.ആർ നീലകണ്ഠൻ അദ്ധ്യക്ഷത വഹിച്ചു. അഡ്വ. തങ്കച്ചൻ, പ്രൊഫ. ടി.കെ രാമകൃഷ്ണൻ , അബ്ദുൾകലാം ആസാദ്, മുജീബ് അഹമ്മദ് , സി.പി അബ്ദുറഹിമാൻ , എ.എൻ മുകുന്ദൻ എന്നിവർ പ്രസംഗിച്ചു.