പേരാമ്പ്ര: വിളയാട്ടൂർ ജി.എൽ.പി സ്‌കൂൾ ഊർജോത്പാദന രംഗത്ത് ഇനി സ്വയം പര്യാപ്തം. സർവ ശിക്ഷ കേരളയിൽ ഉൾപ്പെടുത്തി 2.5 ലക്ഷം രൂപ ചെലവിലാണ് സ്‌കൂളിൽ നിർമ്മിച്ച സോളാർ പാനലുകളിലൂടെ ഊർജ സ്വയംപര്യാപ്തത നേടിയത്. ടി.പി.രാമകൃഷ്ണൻ എം.എൽ.എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് കെ.ടി.രാജൻ അദ്ധ്യക്ഷത വഹിച്ചു. സർവ ശിക്ഷ കേരള കോഴിക്കോട് ഡി.പി .ഒ കെ.എൻ സജീഷ് നാരായണൻ മുഖ്യാതിഥിയായി. പഞ്ചായത്ത് വിദ്യാഭ്യാസ ആരോഗ്യ സ്റ്റാൻഡിംഗ് കമ്മിറ്റി ചെയർമാൻ ഭാസ്‌കരൻ കൊഴുക്കല്ലൂർ, മേലടി ഉപജില്ലാ വിദ്യാഭ്യാസ ഓഫീസർ വിനു കുറുവങ്ങാട്, മേലടി ബി.പി.സി അനുരാജ് വി, രാഹുൽ എം.കെ , കെ .കെ .ബാബു, രഘു നമ്പിയത്ത്, ശിവദാസ് വി. പി, അബ്ദുൽ ഹക്കീം, സത്യൻ വിളയാട്ടൂർ, പി.ബാലൻ, ശങ്കരനാശാരി എന്നിവർ പ്രസംഗിച്ചു. പ്രധാനാദ്ധ്യാപിക ടി.സുനന്ദ സ്വാഗതവും പി.ടി.എ പ്രസിഡന്റ് എൻ.സി.ബിജു നന്ദിയും പറഞ്ഞു.