ചങ്ങനാശേരി: മരിയൻ തീർത്ഥാടന കേന്ദ്രമായ പാറേൽ പള്ളിയിൽ അമലോദ്ഭവ തിരുനാളിന് കൊടിയേറി. വികാരി ജനറാൾ തീർത്ഥാടന കേന്ദ്ര റെക്ടറായ മോൺ. ജോസഫ് വാണിയപ്പുരയ്ക്കൽ കൊടിയേറ്റ് നിർവഹിച്ചു. തിരുനാൾ ദിവസങ്ങളിൽ കുർബാന, വചന പ്രഘോഷണം, ജപമാല പ്രദിക്ഷണം, വിവിധ ദേവാലയങ്ങളിൽ നിന്നുള്ള തീർത്ഥാടനം എന്നിവ നടക്കും. 4,5,6 തീയതികളിൽ വൈകിട്ട് 7ന് കലാസന്ധ്യ. ഏഴിന് വൈകിട്ട് 6ന് കുരിശടിയിലേക്കുള്ള പ്രദിക്ഷണം ആർച്ച് ബിഷപ്പ് ജോസഫ് പെരുന്തോട്ടം സമാപന ആശീർവാദം.
പ്രധാന തിരുനാൾ ദിനമായ 8ന് രാവിലെ 5.30ന് കുർബാന അതിരൂപത സഹായ മെത്രാൻ മാർ തോമസ് തറയിൽ, 7.15ന് സപ്രാ, കുർബാന ആർച്ച് ബിഷപ്പ് ജോസഫ് പെരുന്തോട്ടം, 9.30ന് തിരുനാൾ റാസയ്ക്ക് ഫാ.ജേക്കബ് നടുവിലേക്കളം നേതൃത്വം നൽകും. 12ന് ഇടവകക്കാരായ വൈദികരുടെയും ഇടവകയിൽ ശുശ്രൂഷ ചെയ്ത വൈദികരുടെയും നേതൃത്വത്തിൽ കുർബാന. ഫാ. മാത്യു പുത്തനങ്ങാടി മുഖ്യകാർമികത്വം വഹിക്കും. 2.30ന് കുർബാന, 4ന് പ്രസുദേന്തി വാഴ്ച, 4.30ന് തിരുനാൾ കുർബാന സന്ദേശം മോൺ. ജയിംസ് പാലയ്ക്കൽ, 6ന് കുരിശുംമൂട് കവലയിലേക്കു പ്രദിക്ഷണം. 18ന് കൊടിയിറക്ക് തിരുനാൾ.