മുണ്ടക്കയം : പുത്തൻചന്ത സ്റ്റേഡിയം നവീകരണത്തിനായി 50 ലക്ഷം രൂപ എം.എൽ. എ ആസ്തിവികസന ഫണ്ടിൽ നിന്നും, 50 ലക്ഷം രൂപ സംസ്ഥാന സ്‌പോർട്‌സ് വകുപ്പിൽ നിന്നും, 10 ലക്ഷം രൂപ ഗ്രാമപഞ്ചായത്തിന്റെ പദ്ധതി വിഹിതമായിട്ട് വിനിയോഗിക്കുമെന്ന് അഡ്വ: സെബാസ്റ്റ്യൻ കുളത്തുങ്കൽ എം.എൽ.എ പറഞ്ഞു. നവീകരണത്തിന്റെ ഭാഗമായി സ്റ്റേഡിയത്തിന്റെ എസ്റ്റിമേറ്റ് തയ്യാറാക്കുന്നതിന് സ്‌പോർട്ട്‌സ് വകുപ്പിൽ നിന്നും എൻജിനിയർമാരും സാങ്കേതിക ഉപദേശം നൽകുന്നതിന് ദേശീയ കായിക പരിശീലകൻ ചാക്കോ ജോസഫും,എം.എൽ. എ യോടൊപ്പം സ്റ്റേഡിയത്തിൽ സന്ദർശനം നടത്തി. മണിമലയാറ്റിൽ നിന്നും കോരി സ്റ്റേഡിയത്തിൽ നിക്ഷേപിച്ച മണൽ നീക്കം ചെയ്യുന്നതിനുള്ള നടപടികൾ വേഗത്തിലാക്കുമെന്നും എംഎൽഎ അറിയിച്ചു. ഗ്രാമപഞ്ചായത്ത് പ്രസിഡന്റ് രേഖാ ദാസ്, വൈസ് പ്രസിഡന്റ് ദിലീഷ് ദിവാകരൻ, സ്റ്റാന്റിംഗ് കമ്മിറ്റി ചെയർപേഴ്‌സൻമാരായ ബിൻസി മാനുവൽ , ഷിജി ഷാജി, പഞ്ചായത്തംഗം ഫൈസൽ മോൻ , കേരളാ കോൺഗ്രസ് (എം) മണ്ഡലം. പ്രസിഡന്റ് ചാർലി കോശി, അനിയാച്ചൻ മൈലപ്ര എന്നിവർ സന്ദർശനത്തിൽ പങ്കെടുത്തു.