ചങ്ങനാശേരി : എസ്.എൻ.ഡി.പി യോഗം ചങ്ങനാശേരി യൂണിയൻ സംഘടിപ്പിക്കുന്ന നിറവ് 2022 പടിഞ്ഞാറൻ മേഖല സമ്മേളനം ചങ്ങനാശേരി മുൻസിപ്പൽ ടൗൺഹാളിൽ യൂണിയൻ പ്രസിഡന്റ് ഗിരീഷ് കോനാട്ട് ഉദ്ഘാടനം ചെയ്തു. യോഗം അസി.സെക്രട്ടറി രാജൻ മഞ്ചേരി മുഖ്യപ്രഭാഷണം നടത്തി. യൂണിയൻ സെക്രട്ടറി സുരേഷ് പരമേശ്വരൻ അദ്ധ്യക്ഷത വഹിച്ചു. യൂണിയൻ വൈസ് പ്രസിഡന്റ് പി.എം.ചന്ദ്രൻ വിവിധ ശാഖകളിലെ പൂർവകാല പ്രവർത്തകരെ ആദരിച്ചു. യോഗം ഡയറക്ടർ ബോർഡ് മെമ്പർ എൻ.നടേശൻ, നിയുക്ത ഡയറക്ടർ ബോർഡ് മെമ്പർ സജീവ് പൂവത്ത് എന്നിവർ ആശംസ അർപ്പിച്ചു. മേഖലാ കൺവീനർ ടി.ഡി രമേശൻ സ്വാഗതവും, മേഖലാ ചെയർമാൻ പി.അജയകുമാർ നന്ദിയും പറഞ്ഞു. യൂണിയൻ കൗൺസിൽ അംഗങ്ങളായ സാലിച്ചൻ, പി.ബി രാജീവ്, പി.എൻ പ്രതാപൻ, സുഭാഷ്, യൂണിയൻ യൂത്തമൂവ്‌മെന്റ് ഭാരവാഹികളായ അജിത് മോഹൻ, രമേശ് കോച്ചേരി, അനിൽ കണ്ണാടി, ദിനു കെ. ദാസ്, ജില്ലാ ട്രഷറർ പ്രശാന്ത് മനന്താനം, യൂണിയൻ വനിതാ സംഘം ഭാരവാഹികളായ ശോഭാ ജയചന്ദ്രൻ, കെ.എൽ ലളിതമ്മ, എം.എസ് രാജമ്മ, യൂണിയൻ സൈബർസേന ഭാരവാഹികളായ വിപിൻ കേശവൻ, പി.ആർ സുരേഷ്, കേന്ദ്രസമിതി അംഗം സരുൺ ചേകവർ, യൂണിയൻ വൈദികയോഗം ഭാരവാഹികളായ ഷിബു ശാന്തി, ജിനിൽ ശാന്തി, മൈക്രോഫൈനാൻസ് കോർഡിനേറ്റർ പി.എസ് കൃഷ്ണൻകുട്ടി, ശ്രീനാരായണ എംപ്ലോയീസ് ഫോറം യൂണിയൻ ഭാരവാഹികളായ വിജോജ് ഡി. വിജയൻ, പി.ആർ മനോജ്, ശ്രീനാരായണ പെൻഷൻ കൗൺസിൽ യൂണിയൻ ഭാരവാഹികളായ രാജനീഷ്, പി.വി രാജീവ്, കുമാരീ സംഘം യൂണിയൻ ഭാരവാഹികളായ ശിൽപ സദാശിവൻ, ഹരിതാ റെജി മേഖലയിലെ 19 ശാഖകളിലേയും പ്രവർത്തകർ, പോഷക സംഘടനാ ഭാരവാഹികൾ തുടങ്ങിയവർ പങ്കെടുത്തു.