വെച്ചൂർ: ഇടയാഴം സ്‌പെഷ്യൽ സ്‌കൂളിന്റ ആഭിമുഖ്യത്തിൽ ഭിന്നശേഷി കലാകായിക മേള സംഘടിപ്പിച്ചു. വെച്ചൂർ പഞ്ചായത്ത് വൈസ് പ്രസിഡന്റ് ബിൻസി ജോസഫിന്റ അദ്ധ്യക്ഷതയിൽ നടന്ന ചടങ്ങിൽ കലാകായികമേള പ്രസിഡന്റ് കെ.ആർ ഷൈലകുമാർ ഉദ്ഘാടനം ചെയ്തു. വൈക്കം ബ്ലോക്ക് പഞ്ചായത്ത് സ്റ്റാൻഡിംഗ് കമ്മറ്റി ചെയർപേഴ്‌സൺ വീണ അജി, ഗ്രാമപഞ്ചായത്ത് സ്റ്റാൻഡിംഗ് കമ്മറ്റി ചെയർമാൻമാരായ സോജി ജോർജ് , എസ്.ബീന, പി.കെ മണിലാൽ, ബ്ലോക്ക് പഞ്ചായത്ത് അംഗം എസ്. മനോജ്കുമാർ, സ്‌പെഷ്യൽ സ്‌കൂൾ സെക്രട്ടറി ഹരിദാസ്, തേജസ് സ്‌കൂൾ മാനേജിംഗ് ഡയറക്ടർ പ്രഭ കുറുപ്പ് തുടങ്ങിയവർ പങ്കെടുത്തു. സമാപന സമ്മേളനത്തിൽ പഞ്ചായത്ത് വൈസ് പ്രസിഡന്റ് ബിൻസി ജോസഫ്, വികസന സ്റ്റാൻഡിംഗ് കമ്മറ്റി ചെയർമാൻ സോജിജോർജ് എന്നിവർ വിജയികൾക്ക് സമ്മാനങ്ങൾ വിതരണം ചെയ്തു.