ഐങ്കൊമ്പ്: ഭാരതീയ വിദ്യാനികേതൻ സ്കൂളുകളുടെ ജില്ലാതല കലാമേളയ്ക്ക് ഐങ്കൊമ്പ് അംബിക വിദ്യാഭവനിൽ തുടക്കമായി. 50ൽപരം സ്‌കൂളുകളിൽ നിന്നായി 2000ത്തിലധികം കലാപ്രതിഭകളാണ് രണ്ട് ദിവസമായി നടക്കുന്ന സർഗോത്സവത്തിൽ മാറ്റുരയ്ക്കുന്നത്. ചലച്ചിത്ര സംവിധായകനും വിശ്വഹിന്ദു പരിഷത്ത് സംസ്ഥാന അദ്ധ്യക്ഷനുമായ വിജി തമ്പി കലാമേള ഉദ്ഘാടനം ചെയ്തു. കലാമേളയുടെ ചെയർമാൻ അഡ്വ. രാജേഷ് പല്ലാട്ട് അദ്ധ്യക്ഷനായി. കടനാട് ഗ്രാമപഞ്ചായത്ത് പ്രസിഡന്റ് ഉഷ രാജു, രാമപുരം ഗ്രാമപഞ്ചായത്ത് പ്രസിഡന്റ് ഷൈനി സന്തോഷ്, പഞ്ചായത്ത് മെമ്പർ സിബി ചക്കാലയ്ക്കൽ, കലാമേള ഭാരവാഹികളായ എം.എസ്. വാസുദേവൻ നമ്പൂതിരി, ബി.വിനയകുമാർ, സോമവർമ്മ രാജ എന്നിവർ സംസാരിച്ചു. കലാമേള ഇന്ന് സമാപിക്കും. വൈകിട്ട് 3.30ന് നടക്കുന്ന സമാപന സമ്മേളനം ജില്ലാ പഞ്ചായത്ത് പ്രസിഡന്റ് നിർമ്മല ജിമ്മി ഉദ്ഘാടനം ചെയ്യും.