കോട്ടയം . ആസൂത്രണ സമിതിയുടേയും തദ്ദേശസ്ഥാപനങ്ങളുടെയും നേതൃത്വത്തിൽ തിരുവനന്തപുരം കേരള സ്റ്റേറ്റ് സിവിൽ സർവീസ് അക്കാഡമി നടത്തുന്ന സൗജന്യ കെ എ എസ്/ പി എസ് സി പരീക്ഷാ പരിശീലനത്തിന് ജില്ലയിൽ നിന്നുള്ള പട്ടികജാതി/പട്ടികവർഗ വിഭാഗത്തിൽ നിന്നുള്ള ബിരുദധാരികളിൽ നിന്ന് അപേക്ഷ ക്ഷണിച്ചു. 41 വയസാണ് പ്രായപരിധി. പ്രാഥമികപരീക്ഷയിലൂടെ തിരഞ്ഞെടുക്കപ്പെടുന്നവർക്കാണു പരിശീലനം. 180 പേർക്കാണ് പ്രവേശനം. 15 ന് രാവിലെ 11 മുതൽ 1 വരെ നാട്ടകം ഗവൺമെന്റ് കോളേജിൽ വച്ചാണ് പ്രാഥമിക പരീക്ഷ. തദ്ദേശസ്ഥാപന അടിസ്ഥാനത്തിലായിരിക്കും പ്രവേശനം. ഞായർ ഒഴികെയുളള എല്ലാ ദിവസവും മുഴുവൻസമയക്ലാസ് ഉണ്ടായിരിക്കും. യാത്രാബത്ത, ഭക്ഷണം എന്നിവ നൽകും. ഫോൺ. 86 06 79 46 35.