കോട്ടയം . ഐ എൻ ടി യു സി സംസ്ഥാന വൈസ് പ്രസിഡന്റായി അനിയൻ മാത്യു നിയമിതനായി. കോട്ടയം പാമ്പാടി സ്വദേശിയായ അനിയൻ മാത്യു ഓൾ ഇന്ത്യ ബാങ്ക് എംപ്ലോയീസ് അസോസിയേഷൻ സംസ്ഥാന പ്രസിഡന്റ്, എസ് ബി ടി എംപ്ലോയീസ് യൂണിയൻ ദേശീയ പ്രസിഡന്റ്, ട്രാവൻകൂർ സ്റ്റേറ്റ് ബാങ്ക് എംപ്ലോയീസ് യൂണിയൻ സംസ്ഥാന പ്രസിഡന്റ്, കോട്ടയം കൊമേഴ്സ്യൽ ബാങ്ക് എംപ്ലോയീസ് കോപ്പറേറ്റീവ് ബാങ്ക് പ്രസിഡന്റ് എന്നീ നിലകളിൽ പ്രവർത്തിച്ചിട്ടുണ്ട്. നിലവിൽ എ ഐ ബി ഇ എ ദേശീയ ജനറൽ കൗൺസിൽ അംഗവും വിവിധ സാമൂഹിക സാംസ്കാരിക സംഘടനകളുടെ ഭാരവാഹിയുമാണ്.