കോട്ടയം : വിദ്യാർത്ഥിയെ ആക്രമിച്ച് മൊബൈൽ ഫോൺ കവർന്ന കേസിൽ ആർപ്പൂക്കര കുര്യാറ്റുകുന്നേൽ അലൻ (18), കുര്യാറ്റുകുന്നേൽ നിഖിൽ (19), കൈപ്പുഴ കുടിലിൽകവല എട്ടുപറയിൽ അമൽരാജ് (20) എന്നിവരെ ഗാന്ധിനഗർ പൊലീസ് അറസ്റ്റ് ചെയ്തു. കൈപ്പുഴ പള്ളിത്താഴെ വച്ച് ഏറ്റുമാനൂർ ഐ.ടി.ഐയിലെ വിദ്യാർത്ഥിയെ വഴിയില്‍ തടഞ്ഞു നിറുത്തി ഉപദ്രവിക്കുകയും കൈയ്യിലിരുന്ന 15000 രൂപയുടെ മൊബൈൽ ഫോൺ തട്ടിയെടുക്കുകയുമായിരുന്നു. എസ്.എച്ച്.ഒ ഷിജി കെ, എസ്.ഐ വിദ്യ വി, സി.പി.ഒ മാരായ രാഗേഷ്, പ്രവീണോ, സിജാസ്, സുനിൽ പി.ആർ എന്നിവർ ചേർന്നാണ് പ്രതികളെ അറസ്റ്റ് ചെയ്തത്.