തലയോലപ്പറമ്പ് :എസ്.എൻ.ഡി.പി യോഗം 740ാം നമ്പർ ബ്രഹ്മമംഗലം ശാഖയിൽ ഗുരുദേവക്ഷേത്ര പ്രതിഷ്ഠയുടെ പതിമൂന്നാമത് വാർഷികാഘോഷങ്ങൾ യൂണിയൻ സെക്രട്ടറി അഡ്വ.എസ്.ഡി സുരേഷ് ബാബു ഉദ്ഘാടനം ചെയ്തു. യോഗം കൗൺസിലർ പി.ടി.മന്മഥൻ പ്രതിഷ്ഠാദിന സന്ദേശവും ഗുരുദേവ പ്രഭാഷണവും നടത്തി. ശാഖാ പ്രസിഡന്റ് എസ്.ഗോപി അദ്ധ്യക്ഷത വഹിച്ചു.പ്രതാപൻ തന്ത്റി, സുഭാഷ് ശാന്തി എന്നിവർ ക്ഷേത്ര ചടങ്ങുകൾക്ക് നേതൃത്വം നൽകി. വൈസ് പ്രസിഡന്റ് വിജയൻ കാലായിൽ സ്വാഗതം പറഞ്ഞു. യൂണിയൻ വൈസ് പ്രസിഡന്റ് രഞ്ജിത് രാജപ്പൻ, ശാഖാ സെക്രട്ടറി കെ.പി ജയപ്രകാശ്, വനിതാ സംഘം പ്രസിഡന്റ് ബീന മോഹനൻ, സെക്രട്ടറി സുനിത അജിത് തുടങ്ങിയവർ പ്രസംഗിച്ചു.