പരിയാരം: എസ്.എൻ.ഡി.പി യോഗം 1711ാം നമ്പർ പരിയാരം ശാഖയിൽ 29ാമത് പ്രതിഷ്ഠാ വാർഷിക ഉത്സവം 18 മുതൽ 20 വരെ നടക്കും. 17ന് വൈകുന്നേരം 5.30ന് കലശക്കുട സമർപ്പണവും കൊടിക്കൂറ ഘോഷയാത്രയും. 18ന് രാവിലെ 5.30ന് നടതുറക്കൽ, 7ന് ഗണപതിഹോമം, 8.30നും 9നും മദ്ധ്യേ ക്ഷേത്രം മേൽശാന്തി ചെങ്ങളം അരുൺ ശാന്തിയുടെ മുഖ്യകാർമികത്വത്തിലും ക്ഷേത്രം ശാന്തി പാലാ ശരത് ശാന്തിയുടെയും സഹകാർമ്മികത്വത്തിലും കൊടിയേറ്റ്. 9.30ന് ഗുരുദേവകൃതികളുടെ പാരായണം, വൈകുന്നേരം 6ന് സർവൈശ്വര്യപൂജ, 8.30ന് കുട്ടികളുടെ വിവിധ കലാപരിപാടികൾ. 19ന് രാവിലെ 5.30ന് നടതുറക്കൽ, 6ന് ഗണപതിഹോമം, 9ന് പഞ്ചവിംശതി കലശപൂജ, 10ന് കലശപ്രദക്ഷിണം, 1.30ന് മഹാപ്രസാദമൂട്ട്, വൈകിട്ട് 6ന് താലപ്പൊലി ഘോഷയാത്ര, 8ന് വാർഷിക സമ്മേളനം എസ്.എൻ.ഡി.പി യോഗം ചങ്ങനാശേരി യൂണിയൻ പ്രസിഡന്റ് ഗിരീഷ് കോനാട്ട് ഉദ്ഘാടനം ചെയ്യും. ശാഖാ പ്രസിഡന്റ് കെ.കെ സുരേഷ്‌കുമാർ അദ്ധ്യക്ഷത വഹിക്കും. യൂണിയൻ സെക്രട്ടറി സുരേഷ് പരമേശ്വരൻ മുഖ്യപ്രഭാഷണം നടത്തും. യൂണിയൻ വൈസ് പ്രസിഡന്റ് പി.എം ചന്ദ്രൻ സംഘടനാസന്ദേശം നൽകും. യൂണിയൻ കൗൺസിലർ പി.എൻ പ്രതാപൻ ചികിത്സാ സഹായം വിതരണം ചെയ്യും. സൈബർസേന ചെയർമാൻ വിപിൻ കേശവൻ വിദ്യാഭ്യാസ ക്യാഷ് അവാർഡ് വിതരണം ചെയ്യും. കെ.പി ജിജുമോൻ, ശോഭനാ രെജി, പി.എസ് ശരത്, ഷീബാ സാബു, ലൈജു പ്രസന്നകുമാർ, സി.വി സുനിൽകുമാർ, സരസമ്മ രാജു, സന്ധ്യാ രാജീവ് എന്നിവർ പങ്കെടുക്കും. ശാഖാ സെക്രട്ടറി സോളി സുരേഷ് സ്വാഗതവും ശാഖാ വൈസ് പ്രസിഡന്റ് കെ.കെ വിശ്വനാഥൻ നന്ദിയും പറയും. 20ന് രാവിലെ 5.30ന് നടതുറക്കൽ, 6.45ന് ഉഷപൂജ, 9.30ന് സമൂഹപ്രാർത്ഥന, വൈകിട്ട് 7ന് പുഷ്പാഭിഷേകം, 7.45ന് ഭജന, 8ന് കൊടിയിറക്ക്, 8.30ന് ചിലമ്പ് വാകത്താനം കക്കാട്ട് ഫുഡ് മേക്കേഴ്‌സ് കെ.ആർ ബിജു നാടൻ പാട്ടുകളും ദൃശ്യാവിഷ്‌കാരവും സ്‌പോൺസർ ചെയ്യും.