കോട്ടയം. കുടുംബശ്രീ സരസ് മേളയുടെ ഭാഗമായി നടത്തിയ പട്ടികവർഗ ആനിമേറ്റർമാരുടെ സംഗമം സർക്കാർ ചീഫ് വിപ്പ് ഡോ.എൻ.ജയരാജ് ഉദ്ഘാടനം ചെയ്തു. കുടുംബശ്രീ ജില്ലാ കോ ഓർഡിനേറ്റർ അഭിലാഷ് ദിവാകർ, സ്റ്റേറ്റ് ട്രൈബൽ പ്രോഗ്രാം മാനേജർ പ്രഭാകരൻ മേലത്ത്, കുടുംബശ്രീ അസിസ്റ്റന്റ് കോഒാർഡിനേറ്റർമാരായ പ്രകാശ് പി.നായർ, അരുൺ പ്രഭാകർ എന്നിവർ പങ്കെടുത്തു. കുടുംബശ്രീ പട്ടിക വർഗ്ഗ സുസ്ഥിര വികസന പദ്ധതിയുടെ ഭാഗമായി പട്ടിക വർഗ്ഗക്കാർക്കായുള്ള ക്ഷേമ പ്രവർത്തനങ്ങൾ നടപ്പാക്കാൻ അതത് വിഭാഗങ്ങളിൽനിന്നു തിരഞ്ഞെടുക്കപ്പെട്ടവരാണ് പട്ടിക വർഗ ആനിമേറ്റർമാർ. കേരളത്തിലുടനീളമുള്ള 300 ആനിമേറ്റർമാർ സംഗമത്തിൽ പങ്കെടുത്തു. തുടർന്ന് മലപ്പുലയാട്ടം അരങ്ങേറി.