മുണ്ടക്കയം: കർണാടകയിലെ മൂഡബദ്രിയിൽ നടക്കുന്ന ഇൻറർനാഷനൽ കൾച്ചറൽമേളയിൽ കോരുത്തോട് സി.കേശവൻ സ്മാരക ഹയർ സെക്കൻഡറി സ്കൂൾ കാഞ്ഞിരപ്പള്ളി സ്കൗട്ട് ആൻഡ് ഗൈഡ്സ് ജില്ലയെ പ്രതിനിധീകരിക്കും. സ്കൗട്ട് ജില്ല ട്രെയിനിംഗ് കമ്മീഷണർ ബാബു സെബാസ്റ്റ്യൻ, ജില്ലാ സെക്രട്ടറി പി.എസ് അജയൻ ,ജോ.സെക്രട്ടറി എം.ജി സുജ എന്നിവർ സംഘത്തെ നയിക്കും. കേരളത്തിന്റെ തനത് കലാരൂപങ്ങൾ, തനത് നാടൻ ഭക്ഷ്യസാധനങ്ങൾ തുടങ്ങിയവ അന്തർദേശീയ സാംസ്കാരികമേളയിൽ അവതരിപ്പിക്കും. യാത്രയയപ്പ് സമ്മേളനം ഗ്രാമപഞ്ചായത്ത് പ്രസിഡന്റ് സന്ധ്യ വിനോദ് ഉദ്ഘാടനം ചെയ്തു. സ്കൂൾ മാനേജർ എം.എസ് ജയപ്രകാശ് അദ്ധ്യക്ഷത വഹിച്ചു. മാനേജിംഗ് സെക്രട്ടറി അനീഷ് മുടന്തിയാനിയിൽ, വൈസ് പ്രസിദ്ധൻ്റ് ഷാജി മങ്കുഴി, അംഗങ്ങളായ എ.സി.ശശിധരപണിക്കർ, അജയൻ കുന്നുംപുറത്ത്, മുരളിധരൻ, മോഹനൻ കരിങ്ങോഴയ്ക്കൽ, മദർ പി.ടി.എ പ്രസിഡൻ്റ് സിന്ധു ബിജു, പ്രിൻസിപ്പൽമാരായ അനിതാ ഷാജി, എസ്.റ്റിറ്റി, സി.എസ് സിജു, അദ്ധ്യാപക പ്രതിനിധികളായ എം.ആർ ഉല്ലാസ്, എം.രശ്മി, എസ്. ദീപ്തി, സീന, പി.ടി.എ പ്രതിനിധികളായ ബിനു.ടി .തടത്തിൽ, എ.ബി ഷാജി എന്നിവർ പ്രസംഗിച്ചു.