തെക്കേത്തുകവല: താന്നുവേലിൽ ധർമ്മശാസ്താക്ഷേത്രത്തിൽ മണ്ഡലഉത്സവ ഭാഗമായി ഇന്ന് രാവിലെ 8.30ന് ചിറക്കടവ് മഹാദേവക്ഷേത്രത്തിലേക്ക് കാവടിദർശന ഘോഷയാത്ര, വൈകിട്ട് 6.30ന് ചിറപ്പ്. നാളെ രാവിലെ 8.30ന് ചെറുവള്ളി ദേവീക്ഷേത്രത്തിലേക്ക് കാവടിദർശന ഘോഷയാത്ര, വൈകിട്ട് 5.15ന് തകടിഭാഗം ശ്രീഭൂതനാഥവിലാസം ഭജനസമിതിയിലേക്ക് പറയെടുപ്പിന് പുറപ്പെടൽ, 7ന് ഭജനസമർപ്പണ ഘോഷയാത്ര, 9ന് എതിരേൽപ്പ്, 10ന് കളമെഴുത്തുംപാട്ടും. 26ന് രാവിലെ 10ന് ചിറക്കടവ് മഹാദേവ ക്ഷേത്രത്തിൽ നിന്ന് കാവടിഘോഷയാത്ര, 1ന് തിരുവുഴിച്ചിൽ, പ്രസാദമൂട്ട്, വൈകിട്ട് 5ന് കാഴ്ചശ്രീബലി, 6ന് ചിറക്കടവ് തെക്കുംഭാഗം മഹാദേവ വേലകളിസംഘത്തിന്റെ തിരുമുമ്പിൽവേല, 7ന് തായമ്പക, 12.30ന് എതിരേൽപ്പ്, 1.30ന് കളമെഴുത്തുംപാട്ടും. 27ന് രാവിലെ 9.30ന് ഭസ്മാഭിഷേകത്തോടെ നടയടയ്ക്കൽ.