പൊൻകുന്നം: പതിനൊന്നാമത് കാർഷിക സെൻസസിന്റെ കാഞ്ഞിരപ്പള്ളി താലൂക്ക് തല പരിശീലന പരിപാടി ചിറക്കടവ് ഗ്രാമപഞ്ചായത്ത് കോൺഫറൻസ് ഹാളിൽ അഡ്വ. സെബാസ്റ്റ്യൻ കുളത്തുങ്കൽ എം.എൽ.എ ഉദ്ഘാടനം ചെയ്തു. ചിറക്കടവ് ഗ്രാമപഞ്ചായത്ത് പ്രസിഡന്റ് അഡ്വ.സി.ആർ.ശ്രീകുമാർ അദ്ധ്യക്ഷത വഹി ച്ചു. കാഞ്ഞിരപ്പള്ളി താലൂക്ക് സ്റ്റാറ്റിസ്റ്റിക്കൽ ഓഫീസർ ജയപ്രകാശ്.വി സ്വാഗതം ആശംസിച്ചു. ജില്ലാ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ ടി.എൻ.ഗിരീഷ് കുമാർ മുഖ്യപ്രഭാഷണം നടത്തി. സാമ്പത്തിക സ്ഥിതിവിവരകണക്ക് കോട്ടയം ജില്ലാ ഡെപ്യൂട്ടി ഡയറക്ടർ പി.കെ അജിത്കുമാർ കാർഷിക സെൻസസിനെ കുറിച്ച് വിശദീകരിച്ചു. ചിറക്കടവ് എരുമേലി കൃഷി ഓഫീസർ എസ്.അഞ്ജന , റിസർച്ച് ഓഫീസർ പി.വി. അമ്പിളി, സ്റ്റാറ്റിസ്റ്റിക്കൽ ഇൻസ്‌പെക്ടർ ഖാലിദ് കീരന്റകത്ത്, ഗ്രാമപഞ്ചായത്ത് അംഗങ്ങൾ തുടങ്ങിയവർ സംസാരിച്ചു. സ്റ്റാറ്റിസ്റ്റിക്കൽ ഇൻവെസ്റ്റിഗേറ്റർമാരായ അജിത് കുമാർ, ഷെറഫുദ്ദീൻ, രാജീവ് പി.ജോസ് എന്നിവർ ക്ലാസുകൾ നയിച്ചു.