എന്തൊക്കെയാണ് സ്ത്രീകൾ പുരുഷൻമാരിൽ ഇഷ്ടപ്പെടുന്നത് എന്ന് ചിന്തിച്ചിട്ടുണ്ടോ. പുറംമോടിക്കു പകരം വ്യക്തിത്വത്തിനു പ്രാധാന്യം നൽകുന്നവരാണ് വലിയൊരു വിഭാഗം സ്ത്രീകളും. ഒന്നല്ല ഒരുപാട് ഗുണങ്ങൾ സ്ത്രീകളെ പുരുഷനിലേക്ക് അടുപ്പിക്കും .

തങ്ങളെ നന്നായി പരിഗണിക്കുന്ന പുരുഷൻമാരെ എല്ലാ സ്ത്രീകളും ഇഷ്ടപ്പെടും. എന്നാൽ ജയ ജയജയ ജയഹേയിലെ രാജേഷിനെ പ്പോലെ അമിതമായ നിയന്ത്രണങ്ങൾ വയ്ക്കുന്നവരെ സ്ത്രീകൾ ഇഷ്ടപ്പെടില്ല. ആവശ്യത്തിന് നീളവും അതിനൊത്ത തടിയുമുള്ള പുരുഷൻമാരെയാണ് സ്ത്രീകൾക്ക് കൂടുതൽ ഇഷ്ടം. പുരുഷന്മാരിലെ ചില ഗുണങ്ങളാണ് സ്ത്രീകളിൽ ആകർഷണം ചെലുത്തുക. ഇതാ സ്ത്രീകളെ പുരുഷനിലേക്ക് ആകർഷിക്കുന്ന 5 ഗു ണങ്ങൾ.

സ്ത്രീകൾക്ക് അങ്ങേയറ്റം ആകർഷകമെന്ന് കരുതാവുന്ന ചില കാര്യങ്ങൾ ഫേഷ്യൽ ഹെയറിനെ കുറിച്ചുള്ള പഠനങ്ങളിൽ കണ്ടെത്തിയിട്ടുണ്ട്. താടിയും മീശയും സ്ത്രീകൾക്ക് വളരെ പ്രിയമാണെന്നതാണ് കണ്ടെത്തൽ. താടി തന്നെയാണ് മിക്ക സ്ത്രീകളും ഇഷ്ടപ്പെടുന്നതെന്ന് ഗവേഷകർ പഠനങ്ങളിൽ വ്യക്തമാക്കുന്നു. കാഴ്ചയിൽ പൗരുഷം തോന്നുന്ന പുരുഷന്മാരെയാണ് പങ്കാളികളാക്കാൻ സ്ത്രീകൾ ആഗ്രഹിക്കുന്നതെന്നാണ്.

തമാശ പറയാനും ആസ്വദിക്കാനും കഴിവുള്ള പുരുഷന്മാരെ സ്ത്രീകൾക്ക് വലിയ കാര്യമായിരിക്കും. എന്നും തമാശ പറയുന്ന പുരുഷന്മാർ സന്തോഷമായിരിക്കാൻ കഴിയുമെന്നാണ് സ്ത്രീകൾ കരുതുന്നത്. അതുപോലെ തന്നെ തമാശകൾ ആസ്വദിച്ച് ചിരിക്കാനും നല്ല ഹ്യൂമർ സെൻസുള്ളവർക്ക് സാധിക്കുമെന്നാണ് സ്ത്രീകൾ കരുതുന്നത്.

നിസ്വാർത്ഥതയും ദയയും ഉള്ള പുരുഷന്മാരെ സ്ത്രീകൾ ഇഷ്ടപ്പെടുമെന്നാണ് പഠനങ്ങൾ പറയുന്നത്. ബുദ്ധിമുട്ടനുഭവിക്കുന്ന സഹജീവികളോട് കരുണയോട് കൂടി പെരുമാറുകയും നിസ്വാർത്ഥമായി അവർക്ക് ആവശ്യമുള്ള സഹായങ്ങൾ ചെയ്യുകയും ചെയ്യുന്ന പുരുഷന്മാരെ സ്ത്രീകൾ കൂടുതലായി ഇഷ്ടപ്പെടും. പുറത്ത് കാണുന്ന സൗന്ദര്യത്തേക്കാൾ ആകർഷണമാണ് ഇത്തരം സ്വഭാവമുള്ള പുരുഷനോട് സ്ത്രീക്ക് തോന്നുന്നത്. വലിപ്പ ചെറുപ്പമില്ലാതെ ഏതു വ്യക്തിയോടും മാന്യമായി പെരുമാറുന്ന പുരുഷനെ ബഹുമാനത്തോടെയാണ് സ്ത്രീകൾ കാണുന്നത്.

നിങ്ങളെക്കുറിച്ചുള്ള എല്ലാ കാര്യങ്ങളും എല്ലാവരോടും തുറന്നു പറയാതിരിക്കുക. എല്ലാം അറിഞ്ഞു കഴിഞ്ഞാൽ നിങ്ങളോടുള്ള കൗതുകം നഷ്ടപ്പെടും. പുരുഷനെക്കുറിച്ച് കൂടുതൽ അറിയാനുള്ള ആഗ്രഹം സ്ത്രീകളെ കൂടുതൽ ആകർഷിപ്പിക്കും. അത് കൊണ്ട് തന്നെ ആദ്യം കേറി നിങ്ങളുടെ എല്ലാം കഥകളും പൂർണമായും വെളിപ്പെടുത്താതിരിക്കുക. നിഗൂഢമായ ചെറിയൊരു മറ നിങ്ങൾക്കിടയിൽ ഉണ്ടാകുന്നത് നല്ലതാണ്.

ഇന്നത്തെ കാലത്ത് പുരുഷന്മാരെ സംബന്ധിച്ചിടത്തോളം മസിൽ പവർ മുഖ്യമാണ്. പുരുഷത്വത്തിന്റെ ലക്ഷണമായാണ് മസിലുകൾ ഇന്ന് കണക്കാക്കപ്പെടുന്നത്. കൂടാതെ ശരീര സംബന്ധമായ പുരുഷന്മാരുടെ വലിയൊരു സ്വപ്നം കൂടിയാണ് മസിലുകളെന്നും വേണമെങ്കിൽ പറയാം. സിക്സ് പാക്ക് അല്ലെങ്കിലും വീർത്തുന്തി പുറത്തേക്ക് വരാത്ത വയറും തടി കുറഞ്ഞ ആരോഗ്യകരമായ ശരീരവും എല്ലാവർക്കും ഇന്ന് അത്യാവശ്യമാണ്.