തിരുവനന്തപുരം: ഓടിക്കൊണ്ടിരുന്ന കെ എസ് ആർ ടി സി ബസിൽ നിന്ന് വീണ് യുവാവിന് പരിക്ക്. പോത്തൻകോട് കോലിയക്കോട് സ്വദേശി അഭിജിത്തിനാണ് പരിക്കേറ്റത്. രാവിലെ എട്ടേകാലോടെയായിരുന്നു സംഭവം. പോത്തൻകോടിന് സമീപം വെഞ്ഞാറമൂട്ടിൽ നിന്ന് ബൈപ്പാസ് വഴി കിഴക്കേകോട്ടയിലേക്ക് പോകുകയായിരുന്ന സിറ്റിഫാസ്റ്റ് ബസിൽ നിന്നാണ് അഭിജിത്ത് വീണത്. ഈ സമയം ബസിൽ നല്ല തിരക്കായിരുന്നു.

അഭിജിത്ത് വീഴുന്നത് കണ്ട് സഹയാത്രികർ നിലവിളിക്കുകയായിരുന്നു. തുടർന്ന് ബസ് നിർത്തി യുവാവിനെ ആശുപത്രിയിലെത്തിക്കുകയായിരുന്നു. ജോലിക്ക് പോകുകയായിരുന്നു അഭിജിത്ത്.