തിരുവനന്തപുരം : പൊതുമരാമത്ത് വകുപ്പ് മുൻസെക്രട്ടറി ടി.ഒ. സൂരജിന്റെ അനധികൃത സ്വത്ത് ഇ.ഡി കണ്ടുകെട്ടി,​ ഒരുകോടി അറുപത് ലക്ഷം രൂപയുടെ സ്വത്താണ് കണ്ടുകെട്ടിയത്. ഭാര്യയുടെയും ബന്ധുക്കളുടെയും പേരിലുള്ള ഭൂമി,​ ബാങ്ക് അക്കൗണ്ടിലെ പണം എന്നിവയടക്കമുള്ളവയാണ് കണ്ടുകെട്ടിയത്.

അനധികൃതമായി സമ്പാദിച്ച പണം ഉപയോഗിച്ച് ഭാര്യയുടെയും മക്കളുടെയും ബിനാമികളുടെയും പേരിൽ സൂരജ് വാഹനങ്ങളും വസ്തുക്കളും വാങ്ങിയിട്ടുണ്ടെന്നാണ് കണ്ടെത്തിയത്. ഇതുവരെ 10.43 കോടിയുടെ സ്വത്താണ് ഇ,​ഡി കണ്ടുകെട്ടിയത്. നേരത്തെ ടി,​ഒ. സൂരജിന്റെ മകൾക്കെതിരെയും ഭൂമിതട്ടിപ്പിന് കേസെടുത്തിരുന്നു.