വാഷിംഗ്ടൺ : സ്വവർഗ വിവാഹത്തിന് ഫെഡറൽ സംരക്ഷണം നൽകുന്ന പുതിയ നിയമത്തിൽ ഒപ്പിട്ട് യു.എസ് പ്രസിഡന്റ് ജോ ബൈഡൻ. എല്ലാവർക്കുമുള്ള സ്വാതന്ത്ര്യത്തിനും നീതിക്കും വേണ്ടി, സമത്വത്തിലേക്കുള്ള ഒരു സുപ്രധാന ചുവടുവയ്പാണ് അമേരിക്ക നടത്തുന്നതെന്ന് ബൈഡൻ പറഞ്ഞു. 2015ൽ സുപ്രീം കോടതി വിധിയോടെ സ്വവർഗ വിവാഹം യു.എസിൽ നിയമവിധേയമാക്കിയിരുന്നു. വൈസ് പ്രസിഡന്റായിരിക്കെയും സ്വവർഗ വിവാഹത്തിനും അവകാശങ്ങൾക്കും ബൈഡൻ പിന്തുണ പ്രഖ്യാപിച്ചിരുന്നു.