കൊച്ചി: കനത്ത മൂടൽമഞ്ഞിന്റെ പിടിയിലമർന്ന് കൊച്ചി. ഇതിനെത്തുടർന്ന് നെടുമ്പാശ്ശേരിയിൽ ഇറങ്ങേണ്ട നാല് വിമാനങ്ങൾ തിരുവനന്തപുരത്തേക്ക് തിരിച്ചുവിട്ടു. എയർ ഇന്ത്യയുടെ ഷാർജയിൽ നിന്നുള്ള വിമാനം, എമിറേറ്റ്‌സിന്റെ ദുബൈയിൽ നിന്നുള്ള വിമാനം, ഗൾഫ് എയറിന്റെ ബഹറൈനിൽ നിന്നുള്ള വിമാനം, എയർ ഇന്ത്യ എക്‌സ്പ്രസിന്റെ ദോഹയിൽ നിന്നുള്ള വിമാനം എന്നിവയാണ് തിരിച്ചുവിട്ടത്.

ഇന്നുപുലർച്ചെമുതലാണ് കൊച്ചിയിലെ പല പ്രദേശങ്ങളിലും കാഴ്ച പരിധി കുറയ്ക്കത്തക്ക കനത്തിലുള്ള മഞ്ഞുവീഴ്ചയുണ്ടായത്. വാഹന ഗതാഗതത്തിനും ഇത് ഏറെ ബുദ്ധിമുട്ടുണ്ടാക്കുന്നുണ്ട്. ഇത്തരത്തിലുള്ള മൂടൽ മഞ്ഞ് ആദ്യമായാണ് കൊച്ചിയിൽ അനുഭവപ്പെടുന്നതെന്നാണ് റിപ്പോർട്ട്. ഇന്നലെ രാത്രി എറണാകുളം ജില്ലയിൽ കാര്യമായതോതിൽ മഴ ലഭിച്ചിരുന്നു. ഇതിനു പിന്നാലെ ഇന്ന് രാവിലെ മൂടൽമഞ്ഞ് അനുഭവപ്പെട്ടത്.